Býrabaı lagerine demalýǵa barǵan 14 bala tamaqtan ýlaný belgilerimen aýrýhanaǵa jatqyzyldy, dep habarlaıdy "Adyrna" ulttyq portaly QazAqparatqa siltep.
«Avıenna — Býrabaı» JShS dırektory Evgenıı Bekaev 22 maýsym kúni saǵat 01.00-den tańǵy 06.15-ke deıin 8-17 jas aralyǵyndaǵy 14 bala aýrýhananyń qabyldaý bólmesine júgingenin málimdedi.
«Balalarǵa júrgizilgen saýalnama barysynda olardyń 20 maýsymda kelgeni jáne 22 maýsymda ketetini anyqtaldy. Sapardyń maqsaty — jeke demalys. 21 maýsym kúni tańǵy as ishkennen keıin (barlyq balalar ártúrli tamaq jegen: qýyrylǵan et pen kartop, bor, syrnık jáne t. b.) ýlaný belgileri paıda bolǵan, biraq balalar keshke qaraı ǵana medıınalyq kómekke júgingen. Belgili bir ýaqyt ótkennen keıin eki-úsh baladan birtindep aýrýhanaǵa túse bastady», - dep túsindirdi bas dáriger Evgenıı Bekaev.
Balalarǵa dereý medıınalyq kómek kórsetilgen. Qazir 12 balanyń asqazanyn jýyldy. Al úsh balaǵa ınfýzııalyq terapııa jasalypty.
Dárigerler ýlaný deregi boıynsha shuǵyl habarlamany Býrabaı aýdany boıynsha Sanıtarııalyq-epıdemıologııalyq baqylaý basqarmasyna joldady. Endigi kezekte sanıtarlyq dárigerler tekserýi kerek.
Sondaı-aq Býrabaıda balalar turyp jatqan qonaqúıde tamaq berilmeıdi.
