"Býrabaı" MUTP aýmaǵyndaǵy "Kókshetaý" taýynda órt shyqty. Bul týraly QR TJM baspasóz qyzmeti málimdedi, dep habarlaıdy “Adyrna” ulttyq portaly.
"25 qyrkúıekte tańerteń jedel kezekshi pýltine "Býrabaı" MUTP aýmaǵyndaǵy "Kókshetaý" taýynda shamamen 800 metr bıiktikte tútinniń kóringeni týraly habarlama kelip tústi. Naqtylanǵan málimet boıynsha, ósimdikter órtengen. Aýdany men sebepteri belgilenip jatyr", - delingen habarlamada.
Órtti joıýǵa Aqmola oblysynyń TJD jáne "Býrabaı" MUTP jeke quramynyń 70-ten asa adamy jumyldyrylyp, olar órt shyqqan jerge jaıaý baryp, órtti sóndirýge kirisken.
Tótenshe jaǵdaılar mınıstriniń tapsyrmasy boıynsha, tutanýdy jedel joıý úshin Qazavıaqutqarý tikushaǵy jumyldyrylǵan, ol da janý ornyna bet alǵan.
”Adyrna” ulttyq portaly
