Mańǵystaý oblysynyń áleýmettik-ekonomıkalyq damýy jóninde keńes ótkizip jatqan prezıdent Qasym-Jomart Toqaev bul aımaqtaǵy basty problemalardyń birine toqtaldy. Bul týraly Aqorda jazdy, dep habarlaıdy “Adyrna” ulttyq portaly.
«Bilim berý mekemelerinde bolyp jatqan keleńsiz oqıǵalardy aıtpaı ketýge bolmaıdy. Balalardyń tamaqtan jappaı ýlaný derekteri azaımaı tur. Bul – ábden uıat nárse. Byltyr 400-den astam bala, bıyl 42 bala zardap shekken. Bul oqıǵalar mektepterde azyq-túlik qaýipsizdigi saqtalmaı jatqanyn kórsetedi. Úkimetke jaýapty memlekettik organdarmen birlesip, oqýshylardyń qaýipsizdigin qatań baqylaýǵa alýdy tapsyramyn», - dep habarlaıdy Aqorda.
Esterińizge salsaq, oqý jylynyń basynda Mańǵystaýda 400-den astam bala mektep ashanasynda jappaı ýlanǵan bolatyn.