Aqmolalyq uıymdasqan qylmysqa qarsy kúres basqarmasynyń qyzmetkerleri Býrabaı kýrorttyq aımaǵynda bir top "reketterdiń" áreketin toqtatty, - dep habarlaıdy "Adyrna" tilshisi Polisia.kz saıtyna silteme jasap.
Uıymdasqan qylmysqa qarsy kúres basqarmasynyń qyzmetkerleri aýqymdy arnaıy operaııanyń nátıjesinde ýche qalalyq IIB-niń arnaıy jasaqtarynyń kúshimen bir top jas jigittiń bopsalaýmen aınalysqan qylmystyq áreketiniń jolyn kesti.
Tekseris barysynda sottalýshylar jergilikti turǵyndardy, negizinen jastardy mobıldi bankıng arqyly qolma-qol aqsha jáne taýarlyq nesıe berýge májbúrlegeni, al bas tartqan jaǵdaıda fızıkalyq kúsh kórsetýmen qorqytqany anyqtaldy.
Toptyń qylmystyq áreketi boıynsha dáleldemelerdi jınaý úshin ÝBOP qyzmetkerlerimen arnaıy jedel is-sharalar júrgizilip, nátıjesinde bopsalaý, tonaý, alaıaqtyq faktileri resmı túrde qujattalyp, qylmystyq isterge tirkeldi.
Arnaıy operaııa barysynda polıııa qyzmetkerleri tintý júrgizip, sottalýshylardyń uıaly telefondaryn tárkiledi. Tórt derek boıynsha QR Qylmystyq kodeksiniń 194-babynyń 1-bóligi men 2-bóligi «Bopsalaý» boıynsha sotqa deıingi tergeý amaldary júrgizilýde. Segiz aıyptalýshy polıııaǵa jetkizildi, onyń tórteýi ýaqytsha ustaý ızolıatoryna qamaldy.
Polıııa ustalǵandardyń zańsyz áreketterinen zardap shekkenderdiń barlyǵyn anyqtaý maqsatynda keshendi jedel-izdestirý sharalaryn júrgizip jatyr.
"Adyrna" ulttyq portaly
