Aqmolalyq ūiymdasqan qylmysqa qarsy küres basqarmasynyŋ qyzmetkerlerı Burabai kurorttyq aimaǧynda bır top "reketterdıŋ" äreketın toqtatty, - dep habarlaidy "Adyrna" tılşısı Polisia.kz saityna sılteme jasap.
Ūiymdasqan qylmysqa qarsy küres basqarmasynyŋ qyzmetkerlerı auqymdy arnaiy operasiianyŋ nätijesınde Şuche qalalyq IIB-nıŋ arnaiy jasaqtarynyŋ küşımen bır top jas jıgıttıŋ bopsalaumen ainalysqan qylmystyq äreketınıŋ jolyn kestı.
Tekserıs barysynda sottaluşylar jergılıktı tūrǧyndardy, negızınen jastardy mobildı banking arqyly qolma-qol aqşa jäne tauarlyq nesie beruge mäjbürlegenı, al bas tartqan jaǧdaida fizikalyq küş körsetumen qorqytqany anyqtaldy.
Toptyŋ qylmystyq äreketı boiynşa däleldemelerdı jinau üşın UBOP qyzmetkerlerımen arnaiy jedel ıs-şaralar jürgızılıp, nätijesınde bopsalau, tonau, alaiaqtyq faktılerı resmi türde qūjattalyp, qylmystyq ısterge tırkeldı.
Arnaiy operasiia barysynda polisiia qyzmetkerlerı tıntu jürgızıp, sottaluşylardyŋ ūialy telefondaryn tärkıledı. Tört derek boiynşa QR Qylmystyq kodeksınıŋ 194-babynyŋ 1-bölıgı men 2-bölıgı «Bopsalau» boiynşa sotqa deiıngı tergeu amaldary jürgızılude. Segız aiyptaluşy polisiiaǧa jetkızıldı, onyŋ törteuı uaqytşa ūstau izoliatoryna qamaldy.
Polisiia ūstalǧandardyŋ zaŋsyz äreketterınen zardap şekkenderdıŋ barlyǧyn anyqtau maqsatynda keşendı jedel-ızdestıru şaralaryn jürgızıp jatyr.
"Adyrna" ūlttyq portaly
Ūqsas jaŋalyqtar
