Astanadan Býrabaıǵa barǵan mektep oqýshysy ekskýrsııa kezinde qaıtys boldy. Bul jaıynda Nayza Kokshe Instagram paraqshasy jazdy, dep habarlaıdy “Adyrna” ulttyq portaly.
Málimetke qaraǵanda, 5 mamyrda 18 oqýshy Astanadan Býrabaıǵa ekskýrsııaǵa kelgen. Oqýshylardyń biri janyndaǵy dosymen jaldamaly velosıped alyp, serýenge shyqqan. "Rakýshka" degen tastyń janynda jasóspirimderdiń bireýi rólge ıe bola almaı, qatty jyldamdyqpen aǵashqa soǵylady. 16 jastaǵy bala oqıǵa ornynda qaıtys boldy.
Aqmola oblystyq polıııa departamenti qazirgi kezde qaýipsizdik talaptaryna jaýap bermeıtin qyzmet kórsetý faktisi boıynsha qylmystyq is qozǵalǵanyn habarlady.
«Aldyn ala aqparatqa sáıkes, kámelet jasqa tolmaǵan bala velosıpedti jalǵa alyp, aǵashqa soǵylǵan. Ol alǵan jaraqatynan oqıǵa ornynda kóz jumdy. Qazirgi kezde qajetti saraptamalar taǵaıyndaldy, tergeý sharalary júrip jatyr», - deıdi polıııa departamenti.
Oqıǵa ornynda kóz jumǵan bala - Astanadaǵy BINOM mektebiniń 10-shy synyp oqýshysy.
Aqparatqa sáıkes, Býrabaıǵa oqýshylarmen birge synyp jetekshisi de barǵan. Pedagog jedel járdem men polıııany da shaqyrǵan. Býrabaıdaǵy ekskýrsııany ata-analar komıteti uıymdastyrǵan.
