"Ş.Aimanov atyndaǧy "Qazaqfilm" kinostudiiasynyŋ" direktory Azamat Satybaldy qyzmetkerdıŋ jalaqy turaly şyǧarǧan dauyna qatysty jauap berdı, dep habarlaidy "Adyrna" ūlttyq portaly.
16 şılde künı "Qazaqfilm" aumaǧynda qazaq animasiiasynyŋ qyzmetkerlerı jalaqy mäselesıne qatysty şeru ūiymdastyrǧan bolatyn. Olardyŋ sözınşe, "Altyn adam" tolyqmetrlı jobasynyŋ qyzmetkerlerı 1 jyldan berı özderıne tiesılı jalaqyny ala almaǧan.
Al direktor qyzmetındegı Azamat Satybaldy şeruge jinalǧan jūrttyŋ aldynda eş tüsındırme jasamaǧan edı. Ol jaǧdaiǧa qatysty jelıdegı paraqşasynda jazba jariialady.
"Jalǧan aqparatqa jüielı jauap. Dūrys tüsınık bolu üşın, qysqaşa qaiyraiyn. Ülken maqala düisenbı künı şyǧady.
1. "Qazaqfilm" men "Qazaqanimasiia" qyzmetkerlerı ailyqtaryn tolyq alyp otyr.
2. Būl - "Altyn adam" jobasynyŋ şyǧarmaşylyq toby.
Ailyq emes, qalamaqy. (Gonorar)
3. Joba, 2019 jyly bastalǧan. Bes jyl sozylyp bıtpei kele jatyr.
Soŋǧy merzım boiynşa 2023-te bıtu kerek eken.
4. 90% aqşasy tölengen.
5. 10% paiyzy qalǧan.
6. Būl joba, ūlttyq kinony qoldau ortalyǧynyŋ tapsyrysy.
7. "Qazaqfilm" - oryndauşy organ. "Qazaqfilm" de qarajatyn ala almai, zardap şegıp otyr.
8. Kino ortalyǧy jobany qabyldamady. Ol jerde eksperttık keŋes bar.
9. Sodan keiın, sot prosesı bastaldy.
10. Būl - jüielı şara. Bärın zaŋdastyru üşın.
11. 20-şy mausym künı, ūlttyq kinony qoldau ortalyǧynyŋ bastyǧy Qūrmanbek myrzamen kezdesu öttı. Sol jerde ortaq şeşımge keldı. Jobanyŋ rejisserı men avtorlary, qol alysyp kelıstı.
12. "Qazaqfilm" sol baǧytta jūmysyn bastap kettı.
Būl jerde, jobaǧa qatysy joq menı jäne "Qazaqfilmdı" kınäläu dūrys emes. "Qazaqfilm" de jäbırlenuşı. Qalai bolmasyn, "Altyn adam" jobasy jaryqqa şyǧady. Şyǧarmaşylyq top qalamaqysyn alady. Soǧan säl uaqyt jäne sabyr kerek.
Osyny paidalanyp, piǧyly basqa jäne būl jobaǧa dym qatysy joq, osyny ūiymdastyrǧan belgılı bır topqa aitarym......... Abyroidy beretın Jaratqan jäne alatyn da Jaratqan. Äure bolmaŋdar", - dep jazdy ol.
Ūqsas jaŋalyqtar
