ál-Farabı atyndaǵy Qazaq ulttyq ýnıversıteti denesi sýburqaq janynan tabylǵan 17 jastaǵy bozbalanyń ólimine qatysty pikir bildirdi, dep habarlaıdy «Adyrna» tilshisi KTK-ǵa silteme jasap.
19 maýsymda mektep túlegi ýnıversıtetke UBT tapsyrýǵa kelgen. Alaıda tehnıkalyq sebepterge baılanysty emtıhan tapsyrý merzimi keıinge shegerilgen. Al bozbala birden úıine qaıtpaı, JOO aldyndaǵy sýburqaqqa shomyla ketýdi jón kóripti.
«Sýburaqqa birneshe bala kelgen. Biraq arasynda sol bala ǵana sýǵa túsken. Ony sýdan sol janyndaǵy balalar alyp shyqqan. Kisi ólimi sebebin medıınalyq saraptama anyqtaıtyn bolady. Jalpy mynda «sýǵa túsýge tyıym salynady» degen jazý tórt jaǵynda jazylǵan. Sebebi ýnıverstıtet aýmaǵy kórkem ári jaıly bolǵandyqtan, turǵyndar men stýdentter munda erkin júredi. Olardyń qaýipsizdigi úshin mindetti túrde sol belgilerdi qoıǵanbyz. Ýnıversıtetimizdiń aýmaǵynda bolǵan oqıǵaǵa baılanysty marqumnyń jaqyndaryna qaıǵyryp kóńil aıtamyz»,— dedi QazUÝ prorektory Erkin Dúısenov.
Bilim oshaǵy qaıǵyly oqıǵadan keıin sýburqaqty óshirip tastady.
Eske salaıyq, buǵan deıin Ǵylym jáne joǵary bilim mınıstri Saıasat Nurbek te QazUÝ sýburqaǵynda bolǵan qaıǵyly oqıǵaǵa qatysty pikir bildirgen edi.
