Äl-Farabi atyndaǧy Qazaq ūlttyq universitetınıŋ bazasynda AWS Community Day Central Asia 2025 atty auqymdy öŋırlık şara bastaldy. Forumǧa AWS Heroes, Community Builders sarapşylary men Kanada, Germaniia, İspaniia, Qazaqstan jäne Özbekstannan kelgen arnaiy qonaqtar qatysuda. Is-şara aiasynda injenerler, arhitektura mamandary, startap ökılderı, studentter men IT-sala köşbasşylary bas qosty.
Qazaqstanda alǧaş ret oflain-formatta ūiymdastyrylyp otyrǧan būl şara – Ortalyq Aziiada būltty tehnologiialarǧa degen qyzyǧuşylyqtyŋ artyp kele jatqanyn jäne öŋırlık IT-qauymdastyqtyŋ damu qarqynyn körsetedı.
Forumnyŋ aşylu saltanatynda Äl-Farabi atyndaǧy QazŪU-dyŋ ǧylymi-innovasiialyq jūmys jönındegı prorektory Marǧūlan İbraimov söz söilep, mūndai bastamalardyŋ maŋyzyn atap öttı.
«Bügıngı jastar - tehnologiiany tūtynuşy ǧana emes, sonymen qatar ony jasaityn ūrpaq. AWS Community Day siiaqty şaralar – studentter, sala mamandary täjıribe almasyp, Qazaqstan men bükıl Ortalyq Aziianyŋ sifrlyq bolaşaǧyn qalyptastyratyn maŋyzdy alaŋ», – dedı prorektor.
Şarany Qazaqstan, Qyrǧyzstan jäne Özbekstandaǧy resmi AWS qauymdastyqtarynyŋ jetekşılerı ūiymdastyruda. Forum barysynda qatysuşylar naqty jobalar mysalynda būltty şeşımderdı qūru täjıribesın talqylap, sifrlyq transformasiianyŋ özektı mäselelerın köterdı. Sonymen qatar, DevOps, maşinalyq oqytu, avtomattandyru jäne kiberqauıpsızdık salalaryndaǧy zamanaui ädıstermen tanysty.
Forumda erekşe qyzyǧuşylyq tudyrǧan sessiialardyŋ bırı – naqty jobalar arhitekturasyn taldau jäne jıberılgen qatelıkter turaly aşyq pıkırtalastar boldy. Praktikalyq şeberlık- synyptarda qatysuşylar teoriiany täjıribemen ūştastyru mümkındıgıne ie boldy.
Baǧdarlamanyŋ eŋ maŋyzdy bölıgı – AWS GameDay atty komandalyq jarys boldy. Būl baiqauda qatysuşylar naqty ömırlık jaǧdailarǧa ūqsas injenerlık tapsyrmalardy şeşıp, komandalyq jūmys pen şynaiy täjıribe arqyly bılımderın jetıldırdı.
Forum barysynda qatysuşylar belsendı pıkır almasyp, praktik mamandardan keŋes alyp, jaŋa käsıbi bailanystar ornatty. AWS Community Day Central Asia tek bılım beru alaŋy ǧana emes, sonymen qatar jaŋa ideialar men tehnologiialyq serıktestıkter düniege keletın ortalyqqa ainaldy.
Şara halyqaralyq jäne jergılıktı IT-kompaniialardyŋ, joǧary oqu oryndarynyŋ jäne tehnikalyq qauymdastyqtardyŋ qoldauymen ötude.
