Ulttyq bank basshysy Tımýr Súleımenov Parlament palatalarynyń birlesken otyrysynan keıin jýrnalısterdiń suraqtaryna jaýap berdi, dep habarlaıdy “Adyrna” ulttyq portaly.
Áriptesterdiń biri «AQSh-tyń Máskeý qor bırjasyna salǵan sankııasy rýbldi álsiretti. Bul jaǵdaı teńgege qalaı áser etedi?» dep Ulttyq bank basshysynan surady. Tımýr Súleımenov kerisinshe rýbl kúsheıgenin eskertti.
«Mysaly sankııa salynǵan kezde ótken sársenbide rýbldiń baǵamy 90-ǵa jýyq boldy. Qazir rýbl 85-te. Kerisinshe rýbl kúsheıdi. Sondyqtan ol Reseıdiń valıýtasyna teris áser etken joq. Tańerteń Reseıde valıýtalyq túsimderdi mindetti satý 90 paıyz boldy. Olar bul kórsetkishti 60 paıyzǵa deıin tómendetti. Teńgege eshqandaı keri áseri joq», – dedi ol.
Jýrnalıstiń «Reseı úkimeti rýbldi jasandy túrde kóterip otyrǵan joq pa?» degen suraǵyna Ulttyq bank basshysy «Joq» dep jaýap berdi. Sondaı-aq Súleımenovke «Reseı azamattary rýbldi dollarǵa aıyrbastaýǵa jappaı kezekke turyp jatyr. Olar Qazaqstanǵa aǵylyp bizdiń dollarymyzdy satyp alsa ekonomıkamyzǵa zııan keltirmeı me?» degen suraq qoıyldy.
«Eshqandaı Qazaqstanda kezek joq. Rýbldiń baǵamy dollarǵa deıin kúsheıdi. Sondyqtan rýbl Reseıde kúsheıse, olardyń bizdiń elge kelip aqsha aıyrbastaý oryndarynan dollar izdeýge qajeti joq. Mundaı aqparat dáleldenbegen, sondyqtan bul aqparatqa senbeńizder» – dedi ol.
