Qazaqstannyń Ulttyq banki ulttyq valıýta banknottarynyń jańa serııasyn tanystyrdy. Ol «saq stıliniń» elementterine negizdelgen jáne kóshpelilerdiń biregeı mádenıetinen qazirgi Qazaqstanǵa deıingi eldiń murasyn kórsetedi, - dep habarlaıdy “Adyrna” ulttyq portaly.
Banknottardyń jańa serııasy shyǵarylǵan saıyn aınalymǵa túsedi. Nomınaly 5 myń teńgelik jańartylǵan dızaındaǵy alǵashqy banknot aǵymdaǵy jyldyń sońyna deıin qoljetimdi bolady.
“Halyqaralyq tájirıbege sáıkes qaýipsizdiktiń jaqsartylǵan deńgeılerin engizý jáne jalǵan aqsha jasaýdyń aldyn alý maqsatynda banknottardyń dızaıny kezeń-kezeńimen jańartylýda. Sondaı-aq elimizdiń mádenı qundylyqtary men tarıhyn tanymal etý mańyzdy element bolyp tabylady”, dep atap ótti Ulttyq bank.
Jańa banknottardy Qazaqstan Respýblıkasynyń búkil aýmaǵynda nomınaldy quny boıynsha tólemniń barlyq túrleri boıynsha, sondaı-aq bank shottaryna esepteý úshin jáne Qazaqstan Respýblıkasynyń barlyq bankterinde aýdarý, ózgertý jáne aıyrbastaý úshin qabyldaý talap etiledi.
Ulttyq Bank eski jáne jańa úlgidegi banknottardyń parallel aınalys merzimin 1 jylǵa belgileıdi, qajet bolǵan jaǵdaıda uzartylýy múmkin.
Parallel aınalys kezeńi aıaqtalǵannan keıin barlyq bankter men «Qazpochta» AQ eski úlgidegi banknottardy jańa úlgidegi banknottarǵa 3 jyl ishinde, Ulttyq bank fılıaldary - merzimsiz aıyrbastaıdy.
Eske sala keteıik, búgin Qazaqstanda ulttyq valıýta jáne qarjygerler kúni. Bıyl teńgeniń aınalymǵa shyqqanyna 30 jyl tolyp otyr.
