Búgin - Kenen Ázirbaevtyń týǵanyna 140 jyl toldy, dep habarlaıdy "Adyrna" ulttyq portaly.
Kenen Ázirbaev 1884 jyldyń 4 mamyrynda Jetisý oblysynyń Mátibulaq aýylynda ómirge kelgen. Onyń ata-anasy da ónerli bolǵan. Kenen Ázirbaev 11 jasynda alǵash ret óleń jazǵan. Alǵashqy týyndysynyń taqyryby tabıǵat, jan-janýar, qustar týraly bolǵan.
Otyrysta aqyn Kenen Ázirbaev «Boztorǵaı» ánin aıtyp, aýyr turmys pen erkindikti jyrlaǵan. Jas balanyń ónerine tańdaı qaqqandar qorlanǵan qazaqtyń ánuranyna aınaldyrǵan.
16 jasynda Kenen Ázirbaev Kóksholaq atty satyp alyp, artynsha«Kóksholaq» degen óleńin shyǵarady.
Kenen Ázirbaev talaı surapyldy kórgen. Óz ǵumyrynda ol Túrkistandaǵy 1916 jylǵy kóterilisti bastan keshirgen, bolshevıkter qatarynda patshalyq úkimetke qarsy kúresken, ashtyq jyldary Qyrǵyzstanda jan saqtaǵan. Al qaıta qurý jyldary Oraz Jandosovpen, Sáken Seıfýllınmen jáne Turar Rysqulovpen tyǵyz qarym-qatynasta bolǵan.
1923 jyly Ázirbaev úshin óte aýyr jyldardyń biri bolǵan. Osy jyly Bazar men Nazar degen eki uly bir kúnde sheshek aýrýynan kóz jumdy. Qatty qaıǵyrǵan aqyn ataqty «Aq eshkiniń zary» degen joqtaý óleńin shyǵarady, keıin ol Bazar-Nazar atalyp ketedi.
Altynbek Qorazbaev "Jaılaýyndaı dalanyń, shapanyńdy saǵyndym" dep ándetken. Ataqty qolbasshy Baýyrjan Momyshuly Kenen atany «án men jyrdyń generaly» dep ataǵan.
Kenen Ázirbaev 92 jasynda 1976 jylǵy 12 sáýirde ómirden ótedi. Óziniń uzaq ǵumyrynda ol qazaq án óneriniń altyn qorynan laıyqty ornyn alǵan mol mura qaldyrdy.
