Amerıkada kishkentaı qalamger Aıza Muratqyzynyń shyǵarmasy úzdik dep tanylyp, kitapqa endi, dep habarlaıdy “Adyrna” ulttyq portaly. Bul týraly Nazıra Baıyrbek Facebook jelisinde jazdy.
Belsendiniń jazýynsha, endi Aızanyń shytyrman oqıǵaǵa toly shyǵarmasy Pensılvanııa shtatynda mektep kitaphanalarynda jáne Indıana kitaphanasynda turady.
“Amerıkada bárimizden buryn Aızanyń shyǵarmasy kitapqa endi.
Budan buryn Nıý-ıork mektepterinde fentezı janryndaǵy, kapsýlanyń ishinde ómir súretin adamdar jaıly jazbasy maqtalyp, qabyrǵaǵa ilingen.
Endi Pensılvanııanyń Indıana qalasynda mektep oqýshylary arasyndaǵy shyǵarmashylyq joba kezinde Aızanyń fantastıka janryndaǵy alty shyǵarmasy úzdik bolyp, kitapqa endi” dep jazdy Nazıra Baıyrbek.
Aıza óziniń jazýshylyq qabileti jaıly Bilim departamentine “máseleni sheshý jáne qııaldaı bilý” dep jaýap bergen eken.
