Belgili qalamger Qýanbek Boqaev qaıtys boldy, dep habarlaıdy "Adyrna" tilshisi.
Jýrnalıstiń ómirden ótkenin aqyn Ulyqbek Esdáýlet málimdedi.
"Úlken-kishige iltıpat-izeti men úlgi-ónegesi birdeı, kishipeıil, úlken júrekti jan edi. “Egemen Qazaqstan”, ”Halyq keńesi” basylymdarynda, “QazTAG” aqparat agenttiginde, Qazaq radıosynda, “Qazaq ádebıeti” gazetinde abyroıly qyzmet istep, qoǵamdaǵy kókeıkesti máselelerdi kótergen ótkir maqalalarymen esimi tanylǵan, el rýhanıatyna eńbegi sińgen jýrnalıst edi. Qazaqstan Jazýshylar odaǵy syılyǵynyń laýreaty atanǵan. Aqyndyǵy men synshylyq qyrynyń ózi bir tóbe bolatyn. Qalamdas aǵamyzdyń aldynan jarylqasyn", - dep marqumnyń otbasyna kóńil aıtty.
Kópshilik aqynnyń jazbasyna "Imandy bolsyn", "Jany jánnatta bolsyn" dep qazaǵa kóńil aıtýda.
