Almatyda Düniejüzı qazaqtarynyŋ qauymdastyǧynyŋ filialynda qandastardyŋ özektı tüitkılderıne arnalǧan keŋeitılgen kezdesu öttı. 2026 jylǧy 23 mamyrda ötken jiynda «Qandastarǧa qamqorlyq, memlekettık qoldau jäne özektı mäseleler» taqyryby talqylanyp, azamattyq alu men qūjat räsımdeudegı kürdelı mäseleler kün tärtıbıne şyqty.
Kezdesuge Qazaqstan Respublikasy Mäjılısınıŋ deputaty Qazybek İsa, Almaty qalasy Jūmyspen qamtu jäne äleumettık baǧdarlamalar basqarmasynyŋ basşysy Jaubasov Bauyrjan Janatūly, Almaty qalasy Jūmyspen qamtu jäne äleumettık baǧdarlamalar basqarmasy basşysynyŋ orynbasary Jazyltaeva Janar Qūdaibergenqyzy, köşı-qon jüielerı bölımınıŋ basşysy Abylai Tölegenov,Almaty qalasy Polisiia departamentı Köşı-qon qyzmetı basqarmasynyŋ ökılı Aigül Ospanqyzy, sondai-aq Almaty qalasy Işkı saiasat basqarmasynyŋ ökılderı men Äl-Farabi atyndaǧy Qazaq ūlttyq universitetınıŋ Joǧary oqu ornyna deiıngı bılım beru fakultetınıŋ ökılı Nūrlyhan Mäjiqyzy qatysty.
Jiynda pilottyq joba aiasynda azamattyq alu räsımderındegı tüitkılder, öŋırlık tırkeuge bailanysty şekteuler jäne qūjat tapsyrudaǧy qiyndyqtar aşyq aityldy. Qatysuşylardyŋ pıkırınşe, keibır talaptar qandastardyŋ azamattyq alu prosesın edäuır kürdelendırıp otyr.
Jiyndy Düniejüzı qazaqtarynyŋ qauymdastyǧy-nyŋ Almaty filialynyŋ basşysy Mūrathan Şoqan jürgızdı. Ol Almatyǧa qonystanǧan qandastarǧa qatysty mäseleler boiynşa qala äkımı Darhan Satybaldynyŋ qabyldauynda bolǧanyn, sondai-aq AMANAT partiiasy Almaty qalalyq filialy deŋgeiınde ötken qabyldaularda köterılgen mäselelerdıŋ äkımdık tarapynan nazarǧa alynǧanyn jäne Almaty qalasynyŋ ışkı saiasat basqarmasymen jäne özge de tiıstı memlekettık organdarmen bırlesıp jūmys jürgızılıp jatqanyn atap öttı.
Sondai-aq jiynda Düniejüzı qazaqtarynyŋ qauymdastyǧy Almaty filialy basşysynyŋ orynbasarlary Viacheslav Vavilin, Qanat İslam jäne Erbol Baiorynūly pıkır bıldırıp, azamattyq mäselelerındegı tüitkılderdı şeşu qajettıgın jetkızdı.
Kezdesude erekşe nazar testıleu jüiesıne audy. Basqa älıpbide bılım alǧan qandastar üşın emtihan tapsyru men ball jinau talaptarynyŋ qiyndyǧy aityldy. Sondai-aq Qytaidan kelgen azamattar üşın jürgızuşı kuälıgın auystyru, vizamen jūmys ısteu siiaqty äkımşılık kedergıler de köterıldı.
Sonymen qatar, pilottyq joba talaptary kei jaǧdailarda otbasylardyŋ bölınıp qaluyna sebep boluda: bır müşesı erte kelıp Almatydan üi alyp, balasyn oquǧa ornalastyrsa, keiın kelgenderı joba boiynşa basqa öŋırge jıberılıp, bır otbasynyŋ är jerde ömır süruıne äkelıp otyr.
Jiynda naqty ömırlık jaǧdailar da qozǧaldy. Tösekke taŋylǧan balasyna bailanysty azamattyq ala almai otyrǧan ana men Qazaqstanda jiyrma jyldan berı tūryp, ūlyna azamattyq räsımdei almai jürgen jalǧyzbasty ananyŋ mäselelerı qoǧamdaǧy tüitkılderdıŋ ötkır sipatyn körsettı.
Jiynǧa 100-den astam qandas qatysyp, jauapty organdarǧa saualdaryn tıkelei qoidy. Mäjılıs deputaty Qazybek İsanyŋ būl mäseleler boiynşa Parlamentke deputattyq saual joldaǧany aitylyp, qatysuşylarǧa ümıt syilady.
Sonymen qatar, jiynda deldaldarǧa senbeu, arandatuşylyqqa ermeu jäne Qazaqstan zaŋnamasyn qataŋ saqtau qajettıgı eskertıldı.
Kezdesu soŋynda qandastar demalys künıne qaramastan jiynǧa belsene qatysyp, mäselelerın tyŋdaǧan qūzyrly organ ökılderıne alǧys bıldırdı.
Qatysuşylar köterılgen tüitkılderdıŋ nazardan tys qalmaitynyna senım bıldırıp, jiynnan köterıŋkı köŋıl küimen tarqasty.
