"Talıban" radıkal qozǵalysy (Qazaqstanda tyıym salynǵan - avt.) Norvegııanyń Kabýldaǵy elshiligine basyp kirdi, - dep habarlaıdy “Adyrna” ulttyq portaly “Tengrinews.kz” saıtyna silteme jasap.
Bul týraly Norvegııanyń Irandaǵy elshisi Sıgvald Haýge Twitter-degi paraqshasynda málim etti. Dıplomattyń aıtýynsha, qozǵalys ókilderi ǵımaratty keıin qaıtarýǵa ýáde bergen.
"Qazirgi ýaqytta tálipter Norvegııanyń Kabýldaǵy elshiligine kirdi. Bizge ony keıin qaıtaramyz deıdi. Biraq aldymen sharap bótelkelerin syndyryp, balalar kitaptaryn joıý kerek. Shamasy, olar qarýdy odan qaýipti emes dep sanaıdy", - delingen habarlamada.
Buǵan deıin "Talıban" Aýǵanstan ýaqytsha úkimetiniń quramyn jarııalaǵan bolatyn.
