«Alaş» qozǧalysynyŋ kösemı Älihan Bökeihan turaly tolyqmetrajdy körkem film tüsırıledı. Būl turaly qazaqstandyq kinorejissior Mūrat Bidosov aitty, dep habarlaidy «Adyrna» tılşısı.
«Älihan» tolyqmetrajdy filmı! Būǧan deiın «Tar zaman» tarihi serialyn tüsırgenımız körermennıŋ esınde bolar. Osy serialdy qolǧa alǧan kezde köptegen tarihi derekter men maǧūlymattar jinadyq. Şyny kerek, būl derekter bıraz filmge azyq bolarlyq dünieler ekenın sol kezdıŋ özınde aŋǧarǧan bolatynbyz. Endı «Älihan» tolyqmetrajdy filmınıŋ ssenariiın jazyp bıtırıp, tüsırılımge daiyndyq jūmysyna qyzu kırısıp kettık. Jobaǧa käsıbi tarihşylar tartylyp,olardyŋ talǧam-tarazysynan, süzgısınen öttı. Osy kartinany jüzege asyruǧa aianbai qol ūşyn sozǧan azamattarǧa myŋ alǧys!»—dedı ol.
Aita keteiık, ötken jyly «Älihan Bökeihan – ūlt azattyq küreskerı» atty tanymdyq-derektı filmın körermen nazaryna ūsynylǧan edı.
