2019-2021 jyldary eń tanymal bolǵan ıspandyq "Elıta" serıaly jasóspirim dramalary arasynda reıtıng jaǵynan birinshi oryn aldy. Mektep, aqsha, mahabbat, otbasy, gomoseksýalızm, esirtki, kisi óltirý, qastandyq... "Adyrna" tilshisi osynyń bári jáne budan da ózge shytyrmanǵa toly «Elıta» serıaly týraly sóz qozǵamaq.
2018 jyly Ispanııada «Elıta» jasóspirimder serıaly jaryq kórdi jáne ol 8 serııadan turdy. Kórermenderdiń serıalǵa degen súıispenshiligi sonshalyq, jasaýshylar ony uzartýǵa sheshim qabyldady. Qazirgi ýaqytta serıaldyń 4-maýsymy shyqty. Serıal 3 maýsymmen ǵana aıaqtalýy kerek edi. Biraq 2020 jyly serıaldyń jelini jarǵany sonshalyq, serıal senarısteri taǵy 4 jáne 5 maýsymǵa kelisimshartqa qol qoıdy.
Munyń bári neden bastalady?
Birinshi epızodty kóre bastaǵan sátte siz ne bolyp jatqanyn birden túsine almaısyz jáne bári shıelenisken oqıǵa retinde taspalanǵan. Biraq siz bir epızodty tolyq kórip úlgerseńiz, tamashalaýyńyzdy toqtatý qıyn. Sebebi shyrǵalań sáttermen shıelenisken oqıǵanyń kelesi epızodyn kórýge qumartyp turasyz. Serıalda «qos ýaqyt» bar. Ótken men qazirgi ýaqyttaǵy oqıǵalar bir ýaqytta biriktiriledi.
Sıýjette úsh qarapaıym jasóspirim stıpendııa negizinde óte elıtalyq mektepke barady, onda olardy olar qalaǵandaı kútpedi. Bul mektepte olardyń taǵdyry jumbaq negizinde qala berdi. Qazirgi ýaqytta mektep oqýshysynyń biri óltirilip, barlyq basty keıipkerler kúdikke ilikken. Serıalda ár epızodtyń sıýjeti men tujyrymdamasy óte jaqsy tańdalǵany sonshalyq, tragedııaǵa naqty kináli kim ekenin tolyq túsiný múmkin emes.
Bul serıaldyń ereksheligi nede?
Biz kez-kelgen fılmdi nemese telehıkaıany kórgende, onyń basty jaýyz keıipkeri bolary sózsiz. Elıtada mundaı taptaýryn joq jáne bul basty artyqshylyqtardyń biri. Ár keıipkerdiń jaǵymdy da, jaǵymsyz da jaqtary bar. Siz birinshi maýsymda bir keıipkerdi jek kórseńiz, al úshinshi maýsymda siz ony shynymen jaqsy kórip ketesiz. Ár epızod basty keıipkerdiń ólimi men synyptastarynyń oǵan degen kózqarasynyń múldem basqa bólshekterin ashady.
«Elıtada» qandaı máseleler kóterildi?
Bizdiń zamanymyzdyń barlyq derlik problemalary osynda kóterilgen dep senimmen aıta alamyz. Kedeıler men baılardyń teńsizdigi, gomoseksýalızm, qoǵamdaǵy dinge qatysty máseleler, qazirgi jasóspirimniń arzan nársege qumartýy. Osydan basqa , AIV jáne qaterli isik, 16 jastaǵy júktilik problemasy qozǵalǵan.
Nelikten jastar arasynda bul serıal óte tanymal?
Biz bárimiz qatelesýge beıimbiz jáne bárimiz baqytty bolǵymyz keledi, ásirese ómirimizdiń eń jaqsy kezeńinde. Biraq ony siz josparlaǵandaı oryndaý árdaıym múmkin emes. «Elıtada» biz óz ómirimizde jiberetin qatelikter ashyq kórsetilip, ol oqıǵalardyń jaı-japsary anyq aıtylady.
Keıipkerlerdi, olardyń minez-qulqyn baqylaı otyryp, onyń qanshalyqty mańyzdy ekenin jáne munyń bári ómirde múmkin ekenin túsinesiz. Keı oqıǵalarǵa tańǵala qarap, alaıda ol sátterdiń barlyǵy ómirden alynǵanyn uǵynasyz. Olardyń emoııalary men problemalaryn sheshý olardyń kómegimen ósýge kómektesedi. Serıaldy kórgennen keıin, onyń sıýjeti týraly oılanýǵa turarlyq ekenin túsinesiz jáne aqyr sońynda qorytyndy jasaǵanda, ol sizge shabyt berip, jańa oı tastary sózsiz.
Serıaldyń taǵy bir úlken artyqshylyǵy bul - kórnekilik pen qarama-qaıshylyq. Mýzyka men syrtqy túrine tolyq sáıkes keletin kartına. Serıaldy kórgennen keıin kıiný stıli, keıipkerlerdiń minez-qulqy, olardyń sózderi men mánerleri kóptegen jankúıerler úshin óte áserli boldy.
Osy keshte sende eki tańdaý bar. Ózińmen óziń bol nemese baqytty bol....
Kez kelgen adamnyń qatelesýge jáne ekinshi múmkindikke quqyǵy bar.
Adamdy, seni unatqany úshin kináláýǵa bolmaıdy.
p/s: "Elıta"
Qyzyqty faktiler:
- 4 maýsymda akterlik quramnyń jartysy bolmaıdy. Serıaldyń jańa keıipkerleri tanystyrylady.
- Lýkrezııanyń rólin oınaıtyn Danna Paolo - aktrısa ǵana emes, sonymen birge ómirde ánshi. Onyń birneshe ánderi serıalda saýndrek retinde oınalady.
- Serıalda Marınanyń rólin oınaıtyn Marııa Pedraza, Nano rólinde bolǵan Haıme Lorentemen shynaıy ómirde qarym-qatynasta.
"Adyrna" ulttyq portaly
