Ýkraınada bombadan jaraqat alǵan jeti jastaǵy bıshi Londonnyń júldeli fılminiń taqyrybyna arqaý boldy. Fılmniń ataýy - “Romchık”. 2022 jyldyń shildesinde reseılik zymyran soqqysynan anasy qaza taýyp, ózi qatty kúıip qalǵan Roman Oleksıvtiń shynaıy tarıhy týraly bolmaq. Bul týraly VVS jarııalady, dep habarlaıdy “Adyrna” ulttyq portaly.
Bul fılm Londondaǵy Goldsmıts ýnıversıtetiniń stýdentteri tarapynan, ýnıversıtet kampýsyndaǵy Nıý-Kross aımaǵynda túsirilgen. Fılm Vatıkannyń balalardy soǵys qasiretterinen qorǵaý máselelerine arnalǵan jahandyq sammıtinde Papaǵa kórsetildi.
Fılm Goldsmıts ýnıversıtetiniń magıstratýra stýdenti Kostıantın Bıdnenkonyń bastamasy. Ol óz qatarlastaryna Roman týraly qysqa metrajdy fılm túsirý ıdeıasyn usynǵan. Fılmde balanyń qalpyna kelýi jáne kásibı bıshi bolý armanyna jetýge umtylysy kórsetiledi.
«Men Romannyń basynan ótken oqıǵa týraly maqala oqydym, ol men úshin soǵysqa ushyraǵan barlyq balalardyń sımvoly boldy», deıdi Kostıantın.
Fılmniń túsirilim tobynyń múshesi Lara Koza Ýkraınany Londonda beıneleý qıyn bolǵanyn aıtty.
«Londonda Ýkraınany kórsetý úlken qıyn boldy. Ashyq aýada túsirilim úshin jaqyn mańdaǵy parkti qoldandyq, aýrýhana sahnalaryn oqytý bólmesinde jasadyq, al jatyn bólmesin stýdııada jasadym», dedi ol.
Jergilikti ýkraınalyq qoǵamdastyq akterlerdi tańdaý proesine kómek kórsetken.
Fılm aqpan aıynyń basynda Vatıkannyń Halyqaralyq Balalar Quqyqtary Sammıtinde Papaǵa kórsetildi. Lara Koza bul oqıǵany «ǵajaıyp tájirıbe» dep atap, bul úshin úlken mártebe ekenin aıtty.
«Biz osy oqıǵany búkil álemge kórsetý arqyly soǵystyń balalarǵa tıgizetin naqty saldaryn kórsetýimiz kerek», deıdi ol.
“Romchık” fılmi Kalıfornııadaǵy Kambrııa kınofestıvalinde syılyqqa ıe boldy jáne basqa halyqaralyq qysqametrajdy kınofestıvalderge qatysýǵa usynyldy.
«Men úshin eń úlken marapat — Roman men onyń ákesi bul fılmdi unatyp, olardyń tarıhyn uqypty túrde kórsetkenimizdi baǵalaǵany», dedi Kostıantın Bıdnenko
