Búgin – Dımash Qudaıbergenniń týǵan kúni. Belgili ánshi bıyl 30 jasqa tolyp jatyr.
Qazaqstandyq óner ıesi týǵan kúninde Túrkııanyń Ystambul qalasynda jeke konertin ótkizýde. Ánshi Instagram jelisindegi paraqshasynda úsh aı buryn súıikti tyńdarmandaryna qýanyshty jańalyqty habarlady.
"Qurmetti dostar! 2024 jyldyń 24 mamyrynda Stranger týry aıasynda Túrkııanyń Ystanbul qalasynda jeke konertim ótedi. Osy keshte ónerdiń ásem álemine qushtar, kóńilderi izgilikke toly, dos peıildi jandarmen birge án shyrqap, tutas bir álem bolatynymyzǵa senemin! Sol úshin qýanyshtymyn", - dep jazdy Dımash Qudaıbergen.
TÝǴAN KÚNINDE DIMAShTY QAIDAN TAPSA BOLADY?
Jelidegi oqyrmandar «Sáttilik, Dımash!», «Sen eń keremet ánshisiń», «Naǵyz talant, óte myqty, talant ıesi», «Túrkııaǵa arnaıy seniń keshiń úshin baramyz» dep jarysa jazǵan.
Týǵan kúninde tanymal ártis Dımash Ystambuldaǵy "Beshıktash" stadıonynda jeke konert ótkizip jatyr. Dımashtyń jeke konertin iri is-sharalardyń ótýin baqylaıtyn túrik kompanııasy uıymdastyrýda.
«Álemdegi eń erekshe daýys «Beshıktash» stadıonynda Dımash Qudaıbergenniń 30 jasqa tolýyna arnalǵan konert», - dep jazǵan kompanııa jelidegi paraqshasynda.
Dımash Qudaıbergenniń resmı paraqshasynda 3 kún buryn konertke daıyndyq barysynan úzindi jarııalandy. Ánshi óz jazbasyna eshteńe jazbasa da onyń tyńdarmandary myńnan astam pikir qaldyrǵan.
Dımashtyń jazylýshylary «Keremet sýret, kóz, shash, shash úlgisi... Bul kisi kúnnen kúnge jasaryp barady» degen syndy pikirdi kóptep qaldyrǵan.
Qazaqstandyq ánshiniń álemniń túkpir-túkpirinen ártúrli tyńdarmandary bar.
«Qandaı keremet! Sizdiń 30 jasqa tolýyńyzǵa oraı eń jaqsy tilekter men kóptegen lebizder kelip jatyr.Keremet keshti kórý úshin saıahattaýǵa densaýlyǵymnyń múmkindik bermeıtini ókinishti! San-Franıskodan sizdi qatty jaqsy kóremin! Týylǵan kúnińizben, Dımash», - dep jazǵan Ari Hancock esimdi Dımashtyń jankúıeri.
DIMASh ÚShIN ÓZ TEGIN ÓZGERTKENDER BAR
Dımash Qudaıbergenniń atyna ár elden fan-paraqshalar da ashylǵan.
«Balam! Biz seni óte jaqsy kóremiz! Sáttilik, baqyt tileımiz!» - dep jazǵan galya.1912. Instadaǵy botamankeeva nıkneımindegi adam Dımashtyń konerti úshin Ystambulǵa arnaıy barǵanyn atap ótti.
«Biz Ystambulǵa kelip aldyq, konertti kútýdemiz. Bizge shekarashylar Dımashtyń jeke keshi úshin Qazaqstannan Ystambulǵa bara jatqandardyń kóp ekenin aıtty», - delingen pikirde.
«Qandaı ádemi stadıon, Dımash! Siz konertińiz úshin eń jaqsy oryndarǵa laıyqsyz, óıtkeni siz keremet ánshisiz. Ózińizdi kútińiz, múmkindiginshe demalyńyz, jaqsy uıyqtańyz, durys tamaqtanyńyz», - dep Dımashtyń Kavkazdaǵy tyńdarmandary alańdaýshylyq bildirdi.
«Dımash!! Biz sizdi jaqsy kóremiz, juma kúnin asyǵa kútemiz!» - dep jazǵan Dimashfanclubdeutschland paraqshasy.
Odan bólek, Chılıde turatyn sheteldik Andreıa esimdi qyz Dımashtyń ónerine qyzyǵyp, onyń fan paraqshasyn júrgizip júr. Chılıde turatyn Andrea – qazaqstandyq ánshi Dımash Qudaıbergenniń jankúıeri. Ol tipti óz tegin Qudaıbergen dep ózgertip alǵan. Ánshi dombyrada oınaıtyn jankúıerine birneshe ýaqyt buryn qazaqtyń ulttyq aspabyn syılady. Andreanyń aıtýynsha, qara dombyranyń shanaǵyna Dimash Qudaibergen dep oıylyp jazylǵan.
"Ózderińiz bilesizder, men dombyrada oınaýdy óz betimshe úırendim, Dımash Qudaıbergen, Qazaqstannyń tamasha aspaptaryn álemge tanytqanyńyz úshin rahmet", – deıdi jankúıer.
Aıta keteıik, Dımash Qudaıbergenniń týǵan kúnine oraı uıymdastyrylǵan konertke bıletter 9 aqpannan bastap satylymda bolǵan. Ánshiniń jeke keshi búgin Stambýldyń eýropalyq bóliginde, Bosfor jaǵalaýynda ornalasqan "Beshıktash" stadıonynda ótpek. Stadıon syıymdylyǵy - 42000 kórermen.
AŃYZ ADAM, MESTRO DIMASh!
Dinmuhammed Qudaıbergenov 1994 jyly 24 mamyrda ómirge kelgen. Onyń týǵan qalasy – Aqtóbe. Dımashtyń ata-anasy tanymal ánshiler Qanat Aıtbaev jáne Svetlana Aıtbaeva. Ánshiniń ata-ájeleri de mýzykanttar.
Búginde búkil álemge aty áıgili ánshi bes jasynda mýzykalyq kolledj sahnasynda alǵash ánshi retinde án salǵan. Alty jasynda “Aınalaıyn” Respýblıkalyq baıqaýynyń “Fortepıano” nomınaııasynda jeńimpaz atanǵan.
2017 jyldyń 15 sáýir kúni Dımash Qudaıbergenov Qytaıdaǵy "Singer 2017" jobasynda ekinshi oryn aldy. Sol baıqaýdan soń ánshiniń baǵy eselengen. Onyń ánderin álemniń túkpir-túkpirinen súıip tyńdaıtyn tyńdarmandar qatary kóbeıe túsken.
Qazaq jigiti 2019 jyly "Azııanyń eń ádemi tulǵalary" reıtınginde 8-shi oryndy ıelengen. Al 2023 jyldyń jeltoqsan aıynda «Qazaqstannyń halyq ártisi» ataǵyn aldy. BAQ betterinde Dımashtyń «Qazaqstan men shetel týrızmin damytýshy» degen laqap aty jarııalanǵan. Sebebi Qytaıdaǵy baıqaýdan soń «Dımashıdiń» ónerine qyzyqqan jankúıerler onyń týǵan qalasy Aqtóbege jıi kele bastaǵan. Soǵan oraı 2018 jyly «Kazakh Tourism» UK» AQ Dımashtyń ata-anasymen jáne Aqtóbe oblysy ákimdiginiń Týrızm, dene shynyqtyrý jáne sport basqarmasymen birlese otyryp ánshiniń darynyna tańdaı qaqqan jankúıerlerine arnalǵan týrmarshrýt qurastyrǵan bolatyn.
Symbat Naýhan,
«Adyrna» ulttyq portaly
