Qazaqtyŋ bırtuar būlbūl änşısı, dästürlı än önerınıŋ darabozy, Qazaqstannyŋ halyq ärtısı Qairat Äukenūly Baibosynovtyŋ 75 jyldyq mereitoiy dara tūlǧanyŋ tuǧan jerı — Jaŋaarqa audanynda joǧary deŋgeide atalyp öttı.
Äserlı sätterge toly mereilı şara qonaqtardy qūrmetpen qarsy aludan bastalyp, ärı qarai audandyq Mädeniet üiınde ötken «Qazaqtyŋ Qairaty» atty taǧylymdy keşke ūlasty. Keş barysynda än önerınıŋ abyzy atanǧan tūlǧanyŋ şyǧarmaşylyq joly men önegelı ömırı keŋınen nasihattalyp, sahna törınde şäkırtter men öner jūldyzdary ūstazǧa degen şynaiy yqylasyn änmen örnektedı.
Mereitoi iesın qūttyqtap, mereiın üstem etuge Ūlytau oblysynyŋ mädeniet, tılderdı damytu jäne arhiv ısı basqarmasynyŋ basşysy Maǧjan Tabyldin, sondai-aq Jezqazǧan qalasynyŋ äkımı Qairat Şaijanov arnaiy kelıp, jyly lebızderı men aq tılekterın jetkızdı.
Sondai-aq keş barysynda Jaŋaarqa audanynyŋ äkımı Qanat Qojyqaev halyq ärtısıne audan atynan Qūrmet gramotasyn tabys etıp, syi-siiapat körsettı.
Öner keşınde Qairat Äukenūlynyŋ şäkırtterı men dästürlı ändı därıptep jürgen elımızdıŋ tanymal önerpazdary — Ǧalym Mūhamedin, Serık Ospanov, Erkın Şükıman, Aitbek Nyǧyzbaev, Aigül Qosanova, Jaqsykeldı Kemalov, Serjan Mūsainov, Ardaq İsataeva, Erjan Bazarbekov, Syrym Mūhamedjanov jäne özge de öner ielerı halyq änınıŋ jauharlaryn oryndap, körermenge ruhani läzzat syilady. Şarany jaŋaarqalyq Aituǧan Yrysaldy jürgızdı.
Sondai-aq keşke ziialy qauym ökılderı men öner janaşyrlary arnaiy şaqyryldy. Astana qalasynan — QR Parlamentı Mäjılısınıŋ deputaty, Qazaqstannyŋ eŋbek sıŋırgen qairatkerı Amanjol Ältai, aqyn, Memlekettık syilyqtyŋ laureaty Ǧalym Jailybai, änşı, jyrşy, qoǧam qairatkerı Bekbolat Tıleuhan, sondai-aq qoǧam qairatkerlerı men mesenattar Jaisaŋ Ahmetov, Azamat Ahmetov, Qanat Ahmetov, öner iesınıŋ ınısı Ahat Baibosynov pen onyŋ jūbaiy Roza Baibosynova, ūly Mūhtar Baibosynov jäne änşı, Qazaqstannyŋ eŋbek sıŋırgen ärtısı Bereke Köşenov, dästürlı änşı Qairat Äbeuov, «Taijan Qalmaǧambetov atyndaǧy Ūlytau oblystyq filarmoniiasy» direktory Qaragöz Abdulşaripqyzy qatysty.
Keş soŋynda şäkırtterı men Jaŋaarqa jūrtşylyǧy atynan Qairat Äukenūlyna avtokölık kıltı tabys etıldı. Būl — elınıŋ öz ardaqty ūlyna degen şynaiy yqylasy men zor qūrmetınıŋ körınısı boldy.
Qairat Baibosynov — tek Jaŋaarqanyŋ ǧana emes, barşa qazaq halqynyŋ maqtanyşy. Ol ūlttyq önerdıŋ qara şaŋyraǧyn köterıp, qazaq än mektebın älemge tanytqan dara tūlǧa.
Mereitoi keşı — önerdıŋ ölmes ruhy men ūstazǧa degen ūrpaq alǧysynyŋ saltanaty ıspettı äser qaldyrdy.
