Shejire - ǵumyr

12.12.2023

1934

Búgin jazýshy, ádebıet zertteýshi, ǵalym Aqseleý Seıdimbektiń týǵan kúni.

Aqseleý Seıdimbek – 1942 jyldyń 12 jeltoqsanda Qaraǵandy oblysynyń Jańaarqa aýdanyndaǵy Baıdala bı aýylynda týǵan.

Qazaqtyń Tarıh jáne mádenıet eskertkishterin qorǵaý qoǵamy ortalyq keńesi prezıdıýmynyń, Ǵylymı qyzmetkerlerdi attestaııalaý departamentinde zertteý komıssııasynyń, «Mádenı mura» memlekettik baǵdarlamasy qoǵamdyq keńesiniń, Qazaqstan Jazýshylar odaǵy basqarmasynyń múshesi. «Qazaq ádebıetiniń tarıhy» atty on tomdyqtyń avtorlarynyń biri. Otyzǵa tarta kórkem, ǵylymı-kópshilik jáne monografııalyq kitaptardyń avtory. Gomerdiń «Ilıada», «Odısseıa» dastandaryn qara sózben aýdarǵan. I.Mojeıkonyń «7 jáne 37 keremet» (1998) kitabyn tárjimalaǵan. Shyǵarmalary onnan astam shetel tilderine aýdarylǵan.

Aqseleý óziniń «Qazaqtyń kúı óneri» (2002) atty kitabynda bylaı degen bolatyn:

«Ózindik qasıetten aıyrylǵan ult óledi. Ultty óltirmeıtin onyń tóltýma mádenıeti ǵana. Sondyqtan bul jolda etken eńbek pen tókken terdi Táńirdiń sybaǵasyna balaı júrip, ótkenniń asyldary bolashaq urpaqtyń jan-júregin jylytýy úshin qol jalǵap jiberýimiz qajet-aq»

Etnograf-ǵalym, fılologııa ǵylymdarynyń doktory, professor, QR Memlekettik syılyǵynyń ıegeri, Qazaqstan Jazýshylar odaǵynyń múshesi Aqseleý Seıdimbek 67 jasqa qaraǵan shaǵynda, 2009 jyldyń 16 qyrkúıeginde ómirden ozdy.

Esterińizde bolsa, Aqseleý Seıdimbektiń qazasy týraly jazǵan edik.

«Adyrna» ulttyq portaly

Facebook - парақшамызға жазылыңыз!