Bügın, 5 tamyz körnektı şyǧystanuşy, tarih ǧylymdarynyŋ doktory, professor, QR ŪǦA akademigı Bolat Eşmūhambetūly Kömekovtıŋ 85 jasqa toldy, dep habarlaidy “Adyrna”.
Bolat Kömekov – qazaq ǧylymynyŋ asa ırı ökılderınıŋ bırı. Ol 1940 jyly 5 tamyz künı Taraz qalasynda düniege kelıp, bükıl ǧūmyryn şyǧystanu men ortaǧasyrlyq Qazaqstan tarihyn zertteuge arnady. 1963 jyly Taşkent memlekettık universitetınıŋ şyǧystanu fakultetın tämamdaǧan soŋ, arab, parsy jäne köne türkı tılderındegı tarihi derekközderdı tereŋ zertteu arqyly otandyq tarih ǧylymyn jaŋa beleske köterdı.
Ǧalymnyŋ basty ǧylymi baǧyttarynyŋ bırı – ejelgı jäne ortaǧasyrlyq Qazaqstan men Ortalyq Aziia halyqtarynyŋ tarihi-mädeni damuyn, saiasi qūrylymyn jazba derekter arqyly däleldeu. Äsırese qimaq, qypşaq, oǧyz taipalaryna qatysty tyŋ derekterdı ǧylymi ainalymǧa engızgenı – Kömekov esımın halyqaralyq deŋgeidegı tarihşylar qatarynan oiyp tūryp oryn aluǧa negızdedı.
Professor 420-dan astam ǧylymi eŋbek jariialap, olardyŋ ışınde monografiialar, ensiklopediialyq maqalalar, Qazaqstan tarihynyŋ akademiialyq basylymdarynyŋ avtory jäne redaktory boldy. Ol sondai-aq Halyqaralyq qypşaqtanu konferensiialaryn ūiymdastyryp, Europa, Taiau Şyǧys jäne TMD elderınıŋ tarihşylarymen bailanys ornatty.
Ǧylymi eŋbekterı üşın Bolat Kömekov Memlekettık syilyqtyŋ iegerı atandy. Ol – Qazaqstannyŋ ǧylymyna sıŋırgen eren eŋbegı üşın memlekettık marapattarmen jäne «Qūrmet» ordenımen marapattalǧan ziialy tūlǧa.
Bügınde onyŋ şäkırtterı – elımızdıŋ türlı ǧylymi-zertteu instituttarynda, universitetterınde jäne syrt elderde tabysty eŋbek etıp jürgen körnektı ǧalymdar.
Ūlt tarihyn tereŋnen tolǧap, jazba derekterge negızdep, ǧylymnyŋ biıgıne kötergen akademik Bolat Kömekovtı 85 jyldyq mereitoiymen qūttyqtaimyz! Zor densaulyq, qajymas qairat jäne şyǧarmaşylyq şabyt tıleimız!
