Äkemız Qainar Oljai "Der kezınde deu kerek" dep prinsipşıldık pen azamattyq tanytty. Keşe men ıster kezınde ıstep kördım. Oǧan deiın bırşama e-ötınış jazylǧan bolatyn, bıraq keşe äzırge attaryn aitpai-aq qoiaiyn, kesırım tiıp keter, komissiia müşelerıne tıkelei habarlasyp, formulirovka boiynşa ūsynys jetkızıp, olar sol ūsynysty engızgenın habarlady. Eger ötkıze alsaq, al ol ötetın siiaqty, qorytyndy postta ol qaharmandardy aşyp aitamyn.
Aspandaǧy prosesterdıŋ şet jaǧasyn bıletın adam retınde däl qazır 9 baptan 2 tarmaqty almaitynyn tüsınıp otyrmyn. Bıraq dauly tarmaqty säl modernizasiialap jıberuge eşkım qarsy emes. Tarmaqta eger bärı soǧan tırelıp tūrsa orys tılı degen sözdı qaldyramyz, bıraq oǧan qatysty "resmi" jäne "teŋ" degen formulirovkalardy "qajet bolǧan jaǧdaida" jäne "qosymşa" formulirovkalaryna auystyrudy ūsyndyq.
Bilık üşın būl saiasi köregendılık jäne azamattar ūsynysyna da qūlaq asudy bıldıredı. Būl aldaǧy bırneşe täuekeldıŋ aldyn alady. Sosyn orys tılın qazaq tılınıŋ memlekettık statusyna teŋestırıp, jaŋylysyp jürgenderge ūǧym şekaralaryn aiqyndap beredı. Äzırge keregı sol. Bızdı qūrtyp tūrǧany resmi men teŋ degen ūǧymdar edı.
Men ūsynǧan, jäne atpal azamattar arqyly komissiia qabyldap, endı qarastyryp jatqan nūsqasy mynadai:
9-bap
1. Qazaqstan Respublikasynyŋ memlekettık tılı – qazaq tılı.
2. Memlekettık ūiymdarda jäne jergılıktı özın-özı basqaru organdarynda qajet bolǧan jaǧdaida qazaq tılıne qosymşa orys tılı qoldanylady.
3. Memleket bırtūtas Qazaqstan halqynyŋ tılderın üirenu jäne damytu üşın jaǧdai jasauǧa qoldau körsetedı.
Endı barlyǧy uaqyt pen komissiia müşelerınıŋ enşısınde. Amanat qiianat körmei öz ornyn tapsa, erteŋ nemerelerımnıŋ közıne adal qarai alatyn bolamyn.
