Qūlsary qalasynda su basqan 1200-den astam üidı baǧalau nätijelerı daiyndaldy. Tek bır täulıktıŋ ışınde mobildı toptar tūrǧyndarǧa 300-ge juyq baǧalau paraǧyn taratty. Būl turaly Tötenşe jaǧdailar jönındegı jedel ştab jariialady, dep habarlaidy “Adyrna” ūlttyq portaly.
Bügıngı taŋda jūmys komissiiasy 1200 nysandy baǧalau nätijelerın daiyndady. Onyŋ ışınde üiı suǧa ketken 357 tūrǧyn ötemaqy alu turaly kelısımge qol qoidy, 109 tūrǧynnyŋ jeke şottaryna ötemaqy qarajaty audaryldy.
Qūlsary qalasynyŋ tūrǧyny Nūrşat Äuelbaevanyŋ aituynşa, baǧalau kompaniiasy eseptep, ūsynǧan qarajat onyŋ ışkı esebımen säikes kelgen.
«Menıŋ üiım apatty dep tanyldy. Ol üidı tek būzuǧa kerek. Zardap şekken üiımnıŋ qūnyn ädıl baǧalaǧandaryna rizamyn, memleketten tüsetın ötemaqy şyǧynymdy tolyǧymen jabady. Alynǧan aqşalai ötemaqyǧa jaŋa üi satyp alamyn. Nemese jaŋa üi saluym da mümkın. Qazır bız būl mäselenı otbasymyzben osy mäselenı talqylap jatyrmyz», - dedı Nūrşat Äuelbai.
Qūlsary qalasynyŋ taǧy bır tūrǧyny Künzira Täjıǧūlova aqşalai ötemaqyǧa jaŋa tūrǧyn üi satyp aluǧa niettı.
«Üiımdı basqan sudyŋ kölemı ekı metr deŋgeiınde saqtalyp tūrdy. Aiaq astynan apattyq jaǧdaiǧa jetken üiımdı ädıl baǧalaǧandary üşın rahmet aitamyn. Endı ol üidı alaŋsyz būzuǧa bolady. Onyŋ ornyna jaŋa tūrǧyn üi satyp alamyz dep otyrmyz», - dedı Künzira Täjıgūlova.
Zardap şekken mülıktı baǧalau jūmystaryn osy aptanyŋ soŋyna deiın aiaqtau josparlanuda.
Bügınde qala boiynşa jiyrma mobildı top küşeitılgen rejimde jūmys ısteude. Mamandar üidı aralaudy jäne zalaldy baǧalau men zardap şekken mülıkke tehnikalyq saraptama qorytyndylaryn tüsındırudı jalǧastyruda. Mobildı toptardyŋ jūmysy barlyq baǧalau jūmystary tolyq aiaqtalǧanǧa deiın kün saiyn demalyssyz jürgızıletın bolady.
Qūlsary qalasyndaǧy № 20 mektep bazasynda üilerı apatty dep tanylǧan tūrǧyndarǧa tüsındıru jūmystaryn jürgızu jalǧasuda. Sondai aq, su tasqynynan zardap şekkenderge aqşalai ötemaqy töleu boiynşa aqparat berılude.
Su tasqyny kezınde zardap şekken tūrǧyndarmen arada aqşalai ötemaqy töleu boiynşa kelısımder jasasu boiynşa jūmystar Jylyoi audanynyŋ mädeniet üiınde jürgızılude.
