Atyrau oblysynyŋ Jylyoi audanynda segızınşı synyp oquşysy asylyp qaldy. Onyŋ denesın ata-anasy öz üiınıŋ şatyrynan tapqan, dep habarlaidy “Adyrna” ūlttyq portaly «Astana» telearnasyna sılteme jasap.
14 jastaǧy jasöspırım özıne qol salǧan kezde üide eşkım bolmaǧan. Oqiǧa demalys künı oryn alǧan. Odan bır kün būryn jasöspırım densaulyǧyna bailanysty sabaqqa barmapty. Ony ata-anasy synyp jetekşısıne eskertken. Al apta basynda osy mektepte destruktivtı dıni aǧymdar, suisid, zorlyq-zombylyq taqyryby boiynşa joǧary synyp oquşylaryna aqparattyq tüsındıru jūmystary ötkızılıptı. Mekteptegı şaralarǧa belsene aralasatyn oquşynyŋ mūndai qadamǧa nege barǧanyn ūstazdar da tüsıne almai otyr.
«Oquşy öte aşyq mınezdı, basqalarmen de, synyptastarymen de, mūǧalımmen de, synyp jetekşısmen de jaqsy qarym-qatynasta boldy. Eşqandai da oǧaş mınez-qūlqyn körsetken emes. Dälızde de özın tärtıptı ūstaityn boldy. Sabaqtan sebepsız qalmaityn», - deidı №18 M. Satybaldiev atyndaǧy orta mektep direktorynyŋ tärbie ısı jönındegı orynbasary Rysgül Qadyrova.Jasöspırımnıŋ suisidke ne üşın barǧanyn polisiia anyqtap jatyr. Aita keteiık, oblysta jyl basynan berı 16 jasöspırım öz-özıne qol jūmsaǧan, onyŋ üşeuı qaitys boldy.
«Jylyoi audanynda bolǧan suisid deregıne bailanysty qazırgı taŋda QK 105-babyna säikes tergeu amaldary jürgızılude. Jäne de qaitys bolǧan 2008 jylǧy jasöspırımnıŋ būryn mınez-qūlqynda eşqandai tärtıpsızdık derekterı tırkelmegendıgı anyqtalǧan», - dedı Atyrau oblystyq PD baspasöz hatşysy Meiırım Erdäulet.
Ūqsas jaŋalyqtar
