Bügın, 30 mamyrda keşkı saǧat 18:45 şamasynda Atyrau oblysy Qūlsary qalasyndaǧy «Niet» janarmai qūiu beketınde jarylys boldy. Būl turaly Tötenşe jaǧdailar ministrlıgı mälımdedı, dep habarlaidy “Adyrna”.
Mälımet boiynşa, janarmai qūiu beketınde gaz-aua qospasynyŋ jarylysy bolǧan.
Jarylystan soŋ qyzyl jalyn jaqyn maŋda ornalasqan bırqabatty üş qūrylys nysanyna, gaz qūiu stansiiasyna jäne stansiianyŋ artqy tūsynda ornalasqan ekı qabatty ǧimaratqa taralǧan.
«Oqiǧa ornyna şūǧyl türde TJD jäne Örtke qarsy qyzmettıŋ 60 qyzmetkerı men 10 tehnika bırlıgı jūmyldyryldy. Örttı söndıru jäne gaz tasymaldaǧyşty salqyndatu jūmystary jalǧasyp jatyr. Sonymen qatar ört oşaqtaryn oqşaulau jäne adamdardy qauıptı aumaqtan evakuasiialau jūmystary jürgızılıp jatyr», – dep mälımdedı vedomstvo.
Aldyn ala mälımet boiynşa, 14 adam zardap şekken, olardyŋ ekeuı köz jūmǧan.
Ūqsas jaŋalyqtar
