Atyrau oblysyndaǧy Jangeldin auylynda Qarabalinder otbasynyŋ qazasyna qatysty tergeu jalǧasyp jatyr – negızgı küdıktı Sūltan Sarsemalievke ekı jäne odan da köp adamdy öltıru ǧana emes, bırneşe ret jasalǧan kısı öltıru aiyby da taǧylyp otyr, dep habarlaidy “Adyrna”.
Sonymen qatar ıs aiasynda qosymşa epizodtar bar:
• ūrlyq (QR QK 188-baby 2-bölıgı)
• alaiaqtyq (QR QK 190-baby)
Prokuraturanyŋ mälımetınşe, būl qaza bolǧandardyŋ jeke zattaryn iemdenu jäne olardyŋ malyn satyp jıberu derekterıne qatysty.
Advokattardyŋ tüsındıruınşe, «ekı jäne odan da köp adamdy öltıru» bır epizodqa qatysty bolsa, «qaitalanǧan kısı öltıru» qylmystyŋ ärtürlı uaqytta jasalǧanyn bıldıredı.
Ekı aiyp ta QR QK 99-babynyŋ 2-bölıgıne jatady. Būl bap boiynşa 15 jyldan 20 jylǧa deiın bas bostandyǧynan aiyru nemese ömır boiyna sottau jazasy qarastyrylǧan.
Qoǧamdaǧy rezonans pen küdıktınıŋ elden qaşuǧa äreket jasaǧanyn eskersek, sarapşylar sot ömır boiyna bas bostandyǧynan aiyru jazasyn taǧaiyndauy mümkın ekenın joqqa şyǧarmaidy.
Qosymşa baptar – ūrlyq pen alaiaqtyq – jalpy jazaǧa engızıledı, alaida ädette jeŋılırek jazalar qataŋ jazaǧa sıŋırıledı.
Eske salaiyq, būǧan deiın Atyrau oblysyndaǧy Jangeldin auylynan erlı-zaiypty men olardyŋ ekı eresek balasy bar otbasynyŋ habar-oşarsyz ketkenı belgılı bolǧan edı.
Al 6 qaŋtarda jantürşıgerlık derek belgılı boldy. Üidıŋ janyndaǧy qoradan erlı-zaiyptylardyŋ mäiıtı tabylǧan.
Keiın qūqyqtyq statistika jäne arnaiy esepke alu organdarynyŋ portalynda küdıktı retınde marqūm zeinetkerlerdıŋ küieu balasy Sūltan Särsemalievtıŋ aty-jönı körsetılgen jazba jariialandy. Ol jūbaiymen bırge halyqaralyq ızdeuge alyndy.
Odan keiın İndoneziiada küdıktınıŋ ūstalǧan sättegı foto-videosy jariialandy. Küdıktıler İndoneziiadan elge jetkızıldı.
