Shyǵys Qazaqstanda qazaq dástúrin dáripteıtin orys qyzy bar, dep habarlaıdy “Adyrna” ulttyq portaly 24.kz-ke siltep.
Shyǵys Qazaqstandaǵy Ulan aýdanynyń arýy Aleksandra Den shý asaýdy aýyzdyqtap, sáıgúliktiń qulaǵynda oınap ósken.
Qyz bala kishkentaıynann báıgege qatysqan. Ol qazaqtyń oıyny qyz qyz qýýda sońynan qýǵan jigitterdi shańyna da ilestirmeıtin kórinedi. Jylqyǵa qumar jan qazir ulttyq sport túrlerin jandandyryp júr.
Aleksandra jastarǵa tizgin tartyp, jamby atýdy úıretip keledi.
“Qyzdardyń qyzyǵýshylyǵy basym. Birinshi nysanany bir orynnan turyp kózdeımiz. Sadaqty ıgergennen keıin jylqy ústinde shaýyp kele jatyp atýdy da ıgeredi. Bul isti odan ári damytqymyz keledi. Ulttyq sport túrlerinen kásibı sportshylardy tárbıeleý josparda bar”, - deıdi sportshy.
