شىعىس قازاقستاندا قازاق ءداستۇرىن دارىپتەيتىن ورىس قىزى بار، دەپ حابارلايدى “ادىرنا” ۇلتتىق پورتالى 24.kz-كە سىلتەپ.
شىعىس قازاقستانداعى ۇلان اۋدانىنىڭ ارۋى الەكساندرا دەن شۋ اساۋدى اۋىزدىقتاپ، سايگۇلىكتىڭ قۇلاعىندا ويناپ وسكەن.
قىز بالا كىشكەنتايىنانن بايگەگە قاتىسقان. ول قازاقتىڭ ويىنى قىز قىز قۋدا سوڭىنان قۋعان جىگىتتەردى شاڭىنا دا ىلەستىرمەيتىن كورىنەدى. جىلقىعا قۇمار جان قازىر ۇلتتىق سپورت تۇرلەرىن جانداندىرىپ ءجۇر.
الەكساندرا جاستارعا تىزگىن تارتىپ، جامبى اتۋدى ۇيرەتىپ كەلەدى.
“قىزداردىڭ قىزىعۋشىلىعى باسىم. ءبىرىنشى نىسانانى ءبىر ورىننان تۇرىپ كوزدەيمىز. ساداقتى يگەرگەننەن كەيىن جىلقى ۇستىندە شاۋىپ كەلە جاتىپ اتۋدى دا يگەرەدى. بۇل ءىستى ودان ءارى دامىتقىمىز كەلەدى. ۇلتتىق سپورت تۇرلەرىنەن كاسىبي سپورتشىلاردى تاربيەلەۋ جوسپاردا بار”، - دەيدى سپورتشى.
