Osy aıdyń basynda áleýmettik jelide "ıpotekalyq turǵyn úı qaryzdary boıynsha nesıelik raqymshylyq jarııalanypty" dep aıtylǵan vıdeolar taraı bastady. Osyǵan oraı Qarjy naryǵyn retteý jáne damytý agenttigi resmı málimdeme jasady, dep habarlaıdy "Adyrna" ulttyq portaly Express Qazaqstan. saıtyna silteme jasap.
Qazirgi kezde elimizde 2007-2008 jyldardaǵy álemdik qarjy daǵdarysy men ulttyq valıýta baǵamynyń álsireýinen ıpoteka boıynsha qaryz alýshylar zardap shekti. Olarǵa kómek kórsetý úshin agenttik "Ipotekalyq qaryzdardy qaıta qarjylandyrý" degen baǵdarlama usynyp otyr.
Baǵdarlama 2004-2009 jyldar aralyǵyndaǵy kezeńde teńgemen ıpotekalyq qaryzdar, sondaı-aq 2016 jylǵy 1 qańtarǵa deıin valıýtalyq ıpotekalyq qaryz alǵandarǵa qarjylaı qoldaý kórsetýge baǵyttalǵan,
— deıdi agenttiktegiler.
Bul baǵdarlamaǵa qatysý úshin halyqtyń áleýmettik osal toptaryna jatatyn azamattar bıylǵy 1 jeltoqsanǵa deıin nesıe berýshi bankke ótinish túsirýi kerek.
"Qosymsha qarjylaı kómektiń mólsherin jáne talaptaryn bankter qaryz alýshynyń qarjylyq jaı-kúıin taldaý negizinde jeke tártippen aıqyndaıdy. El azamattaryna dáıeksiz málimetterge senbeýge shaqyryp, basshylyqqa tek resmı ári tekserilgen derekkózderden alynǵan aqparatty alýdy suraımyz", — dep málimdedi agenttiktegiler.
Bir sózben aıtqanda, nesıege raqymshylyq jasalady degen sóz shyndyqqa janaspaıdy. Tek atalǵan agenttik tóleýge qaýqary joqtarǵa jeńildik usynyp otyr.
Al ıpotekalyq qaryzdardy qaıta qarjylandyrý baǵdarlamasynyń talaptary men nátıjeleri týraly barynsha tolyq aqparatty myna jerden alýǵa bolady.
"Adyrna" ulttyq portaly
