Ukrainalyq skeletonşy Vladislav Geraskevich İtaliiada ötıp jatqan Olimpiada oiyndarynda alǧaşqy jarys aldynda şettetıldı, dep habarlaidy “Adyrna” ūlttyq portaly.
Būǧan onyŋ qaza tapqan ukrainalyq sportşylardyŋ portretı beinelengen şlemmen öner körsetkısı kelgenı sebep bolǧany turaly aqparat tarady.
Sportşy Olimpiadaǧa Ukraina qūramasynyŋ köşbasşysy retınde kelgen.
Ol soǧys kezınde qaza tapqan ukrainalyq sportşylardyŋ beinesı salynǧan sporttyq dulyǧamen jarysqa qatysudy josparlaǧan. Ol atalǧan şlemmen resmi jattyǧuǧa da şyqqan. Alaida keiın Halyqaralyq Olimpiada komitetı (HOK) oǧan jarys barysynda būl dulyǧany paidalanuǧa bolmaitynyn eskertıp, tıptı jarysqa qatyspai qaluy mümkın ekenın habarlaǧan.
Degenmen, Geraskevich öz şeşımınen bas tartpaǧan. Būl turaly ol 10 aqpanda äleumettık jelıdegı paraqşasynda jazdy.
Ukraina prezidentı Vladimir Zelenskii de sportşyny qoldap, dulyǧada Resei äreketı saldarynan qaza tapqan ukrainalyq sportşylardyŋ portretterı beinelengenın atap öttı.
"Olimpiadada olar «beitarap» tu astynda bolsa da, ömırde aşyq türde Reseidıŋ Ukrainaǧa qarsy agressiiasyn jäne bızdıŋ aumaqtarymyzdy okkupasiialauyn qoldaidy", — dedı Zelenskii.
12 aqpanda HOK pen Halyqaralyq bobslei jäne skeleton federasiiasy (IBSF) jarys kezınde ondai şlemdı taǧuǧa rūqsat berılmeitının resmi mälımdedı. Osy şeşımnen keiın Geraskevich jarysqa qatysuşylar tızımınen şyǧaryldy.
Öz kezegınde Geraskevich HOK şeşımınen keiın «Ukraina müddesın jäne qaza tapqan sportşylardyŋ estelıgın qorǧaǧany üşın abyroi jolynda qūn ötegenın» mälımdedı.
«Bız eşqandai erejenı būzǧan joqpyz jäne osy Olimpiadada būǧan deiın osyndai äreket jasaǧan basqa sportşylar siiaqty būl dulyǧamen öner körsetuge tolyq qūqyly edık», — dedı ol.
