Qazaqstan - ártúrli kórikti jerleri men biregeı tabıǵı landshafttary bar tartymdy týrıstik baǵyt. Qazaqstandaǵy belgili týrıstik oryndarǵa Almaty, Astana, Sharyn kanony, Altaı taýlary jáne Balqash kóli jáne áıgili Kólsaı kólderi jatady.
Sońǵy jyldary Qazaqstan óziniń týrıstik ınfraqurylymyn belsendi damytyp, sheteldik týrısterdi tartý úshin is-sharalar júrgizýde. Mysaly, elimiz Qazaqstannyń týrıstik kórikti jerleri men mádenıetine nazar aýdarý úshin túrli mádenı festıvaldar, sporttyq is-sharalar men kórmeler ótkizedi.
Jalpy, ishki týrızm – ishki mádenı, tabıǵı jáne tarıhı kórikti jerlerdi zertteý jáne ony damytý. Ol ekonomıkanyń mańyzdy salasy bolyp tabylady jáne ishki týrızmdi damytýdyń eldegi jańa jumys oryndary men kýrorttyq jáne mádenı ortalyqtaryn ashý arqyly Kólik jáne bólshek saýda salasyna da damyp, jetilýine de áseri mol.
Týrızmniń damýy joldar, qonaqúıler, meıramhanalar jáne basqa da týrıstik nysandar sııaqty týrıstik ınfraqurylymdy jaqsartý –mádenı murany saqtaýǵa, jumys oryndaryn qurýǵa jáne jergilikti halyqtyń ómir súrý sapasyn jaqsartady. Jaqynda, Mádenıet jáne sport mınıstrliginiń habarlaýynsha, 2023 jylda elge kelgen týrıster sany 2,3 ese óskeni belgili boldy. Bul degenimiz qańtar-naýryz aralyǵynda Qazaqstanǵa 227,7 myń sheteldik týrıst kelgen, naqtyraq, 130 myń adamǵa nemese 2,3 esege kóbeıgen. Sondaı-aq Qazaqstannyń óz ishinde 1 mln 348 myń qazaqstandyq saıahat jasaǵan.
Sonymen qatar jyl qorytyndysy boıynsha, Qazaqstan týrızmniń jahandyq reıtınginde 117 eldiń ishinde 66-shy orynǵa jaıǵasqan.
Osy maqsatta Qazaqstandaǵy ishki týrızmdi ary qaraı damytý úshin ónerdi, mádenıetti, ishki týrızmdi, tarıhı mura obektilerin jáne shyǵarmashylyq ındýstrııany damytý salasyndaǵy aqparattyq-túsindirý qyzmetin qamtamasyz etý eldegi osy salalardy damytýdyń mańyzdy aspektisi bolyp tabylady. Bul óz kezeginde keseneler, sáýlet eskertkishteri jáne basqa da tarıhı mańyzy bar oryndar sııaqty Qazaqstannyń tarıhı mura obektilerin tanymal etýge baǵyttalǵan.
Atalǵan salalarda aqparattyq-túsindirý qyzmetin qamtamasyz etýde qoǵamdyq uıymdar, memlekettik mekemeler, mádenı ortalyqtar, týrıstik agenttikter jáne basqa da uıymdar mańyzdy ról atqarady. Olar aqparattyq resýrstardy qurý, sharalar qabyldaý boıynsha belsendi jumys isteıdi.
Osy tusta Qazaqstandaǵy ishki týrızmdi damytýǵa yqpal etetin birneshe sharalar men bastamalardy atap ótsek:
Infraqurylym jáne qyzmetter: qonaq úıler, meıramhanalar, kólik qyzmetteri jáne kórikti jerler sııaqty týrıstik ınfraqurylymdy únemi jetildirý týrısterdi kóbirek tartýǵa kómektesedi. Sondaı-aq týrıstik marshrýttar baǵyttaryn josparlaý: tarıhı qalalar, tabıǵı saıabaqtar, mádenı kórikti jerler jáne ulttyq saıabaqtar arqyly saıahattaý sııaqty ártúrli týrıstik marshrýttardy qurý jáne ilgeriletý – týrısterge tanylmaǵan tarıhı oryndardy násıhattaý. Ishki týrızmde eskere ketetin eń basty qundylyqtyń biri – ulttyq mádenıetti ilgeriletý. Mádenı is-sharalardy, festıvaldar men kórmelerdi uıymdastyrý arqyly ulttyq mádenıet pen dástúrlerdi tanytý – eldiń biregeı mádenıeti men tarıhymen tanysýǵa múmkindik berip qana qoımaı, týrısterdiń Qazaqstanǵa degen qyzyǵýshylyǵyn arttyra túsedi;
Aýyldyq týrızmdi damytý. Bul aýyldyq jerlerdiń damýyna jáne jergilikti halyqtyń ekonomıkalyq ál-aýqatynyń jaqsarýyn qamtamasyz etip qana qoımaı, aýyldyq týrızm men agrotýrızmdi damytyp, dástúrli qolónermen jáne aýyl sharýashylyǵymen tanysýǵa múmkindik beredi. Aıta keterligi, ishki týrızm shaǵyn jáne orta bıznesti damytý úshin qolaıly jaǵdaı jasaıdy. Otbasylyq qonaq úıler, meıramhanalar jáne týrıstik agenttikter sııaqty kóptegen týrıstik kásiporyndar shaǵyn jáne orta bıznes bolyp tabylady. Bul kásiporyndardyń damýy jańa jumys oryndaryn qurýǵa jáne eldiń ártúrli aımaqtarynda ekonomıkalyq ál-aýqatty jaqsartýǵa yqpal etedi.
Aıta keteıik, Qazaqstanda ishki týrızmdi damytý maqsatynda sheteldik týrısterdi tartatyn túrli sporttyq is-sharalar ótkiziledi. Olardyń qataryna golf, tennıs chempıonattaryn atap aıtsaq bolady. Bul týrnırlerge qatysý nemese jarystardy kórý úshin Qazaqstanǵa álemniń túkpir-túkpirinen áýesqoı sportshylar keledi. Sondaı-aq ekstremaldy sport túrleri boıynsha elimizde velosıped sporty, taý shańǵysy, parashıýt sporty jáne t.b. sııaqty sport túrleri boıynsha túrli saıystar uıymdastyrylady.
