Aqtaýdaǵy Nazarbaev Zııatkerlik mektebiniń ókilderi Ázirbaıjan Respýblıkasynda ótken OCEP (Olympic Culture and Education Program) baǵdarlamasyna qazaq mádenıetin tanystyrýshy delegaııa retinde qatysty.
Oqýshylarmen ustazdardan quralǵan bir top delegaııa OCEP (Olympic Culture and Education Program) baǵdarlamasy aıasynda Bakýdegi seriktes mektep Aǵaıyndy Novrýzovtar atyndaǵy №36 mektep uıymdastyrǵan merekelik sharaǵa qatysty.
Merekelik sharaǵa Ázirbaıjan Respýblıkasynyń mınıstrligi, sondaı aq Qazaqstan Respýblıkasynyń Ázirbaıjan Respýblıkasyndaǵy Elshiligi ókilderi qatysty.
Qazaq mádenıetin tanystyrýshy delegaııa retinde sharaǵa qatysqan NIS ónerpazdary joǵarǵy deńgeıde óner kórsetip, kórermenniń erekshe yqylasyna bólendi. Osylaısha NIS eki eldiń dostyǵyn jalǵaǵan altyn kópirge aınaldy.
- Ázirbaıjanǵa saparymyzdyń alǵashqy kúninde OCEP baǵdarlamasynyń uıymdastyrýshylarymen qatar ázirbaıjandyq seriktes mektep ókilderi bizdi keremet kóńil kúımen qarsy alyp, Bakýdiń tamasha tarıhı, mádenı kórikti jerlerine ekskýrsııa uıymdastyrdy. Búginde Qazaqstannyń mádenıetin tanystyrýshy delegaııanyń Ázirbaıjanǵa kelýdegi basty maqsaty sátti oryndaldy. Ónerpazdar kórermen qoshemetine bólenip, ázirbaıjandyqtar dástúrimizben, mádenıetimizge úlken qurmet kórsetti. Bul saparymyz eki el arasynda dostyq pen yntymaqtastyqty nyǵaıtý isine eleýli úles qosady dep úmittenemiz,- deıdi Nazarbaev Zııatkerlik mektebi dırektorynyń ǵylymı-ádistemelik jumys jónindegi orynbasary Laýra Baıtoqaeva
Eki memleket arasynda kópir bolǵan Aqtaýdaǵy Nazarbaev Zııatkerlik mektebimen Aǵaıyndy Novrýzovtar atyndaǵy №36 mekteppen birlese ótkizgen mádenı almasý sharasy joǵarǵy deńgeıdi ótti.
Sharada halyqaralyq baıqaýlardyń jeńimpazdary «Shuǵyla» bı ansambli, «Qos perne» dombyrashylar ansambli óner kórsetti.
