Táýelsizdikten beri Qazaqstan Prezıdentiniń baspasóz hatshysy qyzmetin on jeti adam atqardy. Olardyń arasynda sotty bolǵandary da, merzimin ótegennen keıin aqtalǵany da bar. Uzaǵy – úsh jyldan, azy – alty kúndik qyzmet etkenderi ushyrasady. Prezıdenttiń baspasóz hatshysyn qaıtara atqarǵany da kezdesedi. «Adyrna» Prezıdenttiń baspasóz hatshylaryn túgendep kórdi.
Qyrkúıektiń 12-si kúni Memleket basshysynyń ókimimen Berik Ýálı Prezıdent keńesshisi – Prezıdenttiń baspasóz hatshysy qyzmetine taǵaıyndaldy. Bul onyń Prezıdenttiń baspasóz hatshysy qyzmetine ekinshi ret qaıtyp oralýy boldy.
Bir qyzyǵy - Berik Ýálıdiń bul kelisiniń aldynda osy qyzmetti bas-aıaǵy alty-aq kún atqarǵan Nurmuhamed Baıǵaraev Prezıdenttiń baspasóz hatshysy ǵana bolyp taǵaıyndalǵan. Al sońǵy hatshyǵa Prezıdent keńesshisi qyzmeti qosa júktelip otyr.
Buǵan deıingi Prezıdent baspasóz hatshylary kim boldy jáne nesimen erekshelenedi?
1.Ǵadilbek Shalahmetov
Qyzmet etken ýaqyty: 1990-1991
Ǵadilbek Shalahmetov Nursultan Nazarbaev QazKSR basshysy bolyp turǵan kezdegi baspasóz hatshysy boldy. Memleketaralyq «Mır» teleradıokompanııasynyń negizin qalaýshy retinde tanylǵan. Keıin «QazAqparat» agenttiginiń prezıdenti boldy.
300-den astam ǵylymı jáne pýblııstıkalyq maqalalardyń avtory, senarıst.
2009 jyldan bastap Astanadaǵy L. Gýmılev atyndaǵy Eýrazııa ulttyq ýnıversıtetiniń jýrnalıstıka jáne saıasattaný fakýltetiniń teleradıo jáne qoǵammen baılanys kafedrasynyń meńgerýshisi qyzmetin atqarady.
2. Seıitqazy Mataev
Qyzmet etken ýaqyty: 1991-1993
Nursultan Nazarbaevtyń táýelsiz Qazaqstannyń Prezıdenti kezindegi tuńǵysh baspasóz hatshysy boldy.
Táýelsiz memlekettiń basshysy Nazarbaevpen bolǵan túrli kezdesýler men tarıhı oqıǵalardyń kýási.
Seıitqazy Mataev QazTAG agenttiginiń negizin qalaýshy. Ol Qazaqstan Jýrnalıster odaǵy basqarmasynyń tóraǵasy qyzmetin atqarady.
2016 jyly oǵan memlekettik saıasatty aqparattyq nasıhattaýǵa bólingen memleket qarajatyn jymqyrdy degen aıyp taǵyldy. Biraq jurtshylyq ol jaı ǵana bılikke unamady dep esepteıdi. Ol salyq tóleýden jaltardy jáne 600 mıllıon teńgeden astam somaǵa alaıaqtyq jasady dep aıyptalyp 6 jylǵa sottaldy. Uly Áset Mataev 6 jylǵa kesildi. 2022 jyly Joǵarǵy sot Mataevtardy tolyqtaı aqtady.
3. Nurlan Dánenov
Qyzmet etken ýaqyty: 1993-1994
Atalǵan jyldardaǵy hatshylyq qyzmetke deıin Dánenov Qazaqstan Respýblıkasy Syrtqy ister mınıstrliginiń Taıaý jáne Orta Shyǵys elderi boıynsha bólim bastyǵy qyzmetin atqarǵan. Dıplomat.
Táýelsiz Qazaqstannyń birneshe Eýropa elderindegi elshisi qyzmetin atqarǵan. Qazaqstan Syrtqy ister mınıstriniń birinshi orynbasary, keıin orynbasary bolǵan. Tótenshe jáne ókiletti elshi rangisine ıe.
«Qurmet belgisi», «Uly Grıgorıı ordeniniń Uly Kresti», «Qurmet» ordenderimen marapattalǵan.
4. Dýlat Qýanyshev
Qyzmet etken ýaqyty: 1994-1996
Keıin kóbinese syrtqy saıasat salasynda qyzmet atqarǵan. Dıplomat. Birneshe elde elshi bolǵan.
Jeti tildi jetik meńgergen Qýanyshev sońǵy qyzmetinde Qazaqstan Respýblıkasynyń Izraıl Memleketindegi Tótenshe jáne Ókiletti Elshisi boldy.
5. Qyrymbek Kósherbaev
Qyzmet etken ýaqyty: 1996-1997
Ártúrli qyzmet baspaldaǵynan ótken ol Qazaqstan úkimetinde, oblystarda ákim qyzmetin atqardy. Mınıstr boldy. Úkimet basshysynyń orynbasary, Prezıdent apparatynyń jetekshisi bolǵan ol birneshe elde elshilik qyzmet atqardy.
Kósherbaev Mańǵystaý oblysynyń ákimi bolyp turǵanda Jańaózen oqıǵasy óris aldy.
Sońǵy atqarǵan resmı qyzmeti memlekettik hatshy boldy.
Qyrymbek Kósherbaev qazirgi tańda «Embimunaıgaz» AQ táýelsiz dırektory, dırektorlar keńesiniń múshesi retinde atalady.
6. Qaırat Sarybaı
Qyzmet etken ýaqyty: 1997-1998
Mamandyǵy shyǵystanýshy Qaırat Sarybaı da ózge áriptesteri sekildi Qazaqstannyń elshilikterinde qyzmet atqarǵan. Birneshe elde elshi bolǵan.
Syrtqy ister mınıstriniń orynbasary, Prezıdenttiń protokol qyzmetin basqarǵan. Prezıdent kómekshisi qyzmetin atqarǵan.
Qazir Azııadaǵy ózara yqpaldastyq jáne Senim sharalary keńesiniń bas hatshysy.
7. Asylbek Bısenbaev
Qyzmet etken ýaqyty: 1998-2001
Asylbek Bısenbaev atalǵan qyzmette uzaq jumys istegen mamandardyń biri. Baspasózde, zertteý ortalyqtarynda qyzmet atqarǵan.
Prezıdenttiń baspasóz hatshysy bolar qarsańda Qazaqstan lıeberaldyq qozǵalysynyń jetekshisi bolǵan
Tarıh ǵylymdarynyń kandıdaty, Jýrnalıstıka akademııasynyń akademıgi.
8. Janaı Omarov
Qyzmet etken ýaqyty: 2001-2004
Prezıdenttiń baspasóz hatshysy qyzmetinen ketken soń Janaı Omarov «QazAqparat» agenttiginiń prezıdenti boldy. Mádenıet jáne aqparat vıe-mınıstri deńgeıine kóterilip, mansap jolyn «Nur-Medıa» JShS bas dırektory qyzmetimen aıaqtady.
9. Muhtar Qul-Muhammed
Qyzmet etken ýaqyty: 2004-2006
«Atamura» baspasynyń negizin qalaýshy.
Zań ǵylymdarynyń doktory, 2007-2008 jyldary Qyzylorda oblysynyń ákimi boldy. Birneshe ret senat depýtaty boldy. Aqparat jáne mádenıet mınıstri, mádenıet mınıtsri qyzmetin 4 márte atqaryp, qaıtara taǵaǵyndalýymen este qalǵan. Prezıdenttiń keńesshisi, Memlekettik hatshy, «Nur-Otan» partııasy tórǵasynyń birinshi ornybasary qyzmetterin atqarǵan. Memlekettik qyzmettegi ótilin Senat depýtattyǵymen támamdady.
10. Erlan Baıjanov
Qyzmet etken ýaqyty: 2007-2008 jyldary
Baspasózde, resmı baspasózdi biriktirgen holdınge basshylyq qyzmet atqardy.
Mınıstrdiń orynbasary bolǵan. Birneshe elde Qazaqstannyń elshisi qyzmetin atqarǵan.
11. Beıbit Isabaev
Qyzmet etken ýaqyty: 2008-2009 jyldary
Baspasózde basshylyq atqarǵan. Ákimdikterde túrli qyzmette bolǵan. Qazaqstan úkimetinde qyzmet atqarǵan. Birneshe elde Qazaqstannyń elshisi qyzmetine taǵaıyndalǵan.
2022 jyldan beri Jetisý oblysynyń ákimi.
12. Baǵlan Maılybaev
Qyzmet etken ýaqyty: 2009-2011
2011 jyldan 2016 jyldar aralyǵynda Qazaqstan Respýblıkasy Prezıdenti Ákimshiligi Basshysynyń orynbasary qyzmetin atqardy. Vıe-mınıstr bolǵan.
Maılybaev 2017 jyly "memlekettik qupııany zańsyz jınaý, taratý jáne jarııa etý" isi boıynsha bes jylǵa bas bostandyǵynan aıyrylǵan bolatyn. Sol negizde barlyq memlekettik marapatynan aırylyp, dúnıe-múlki tárkilengen.
Keıinnen onyń 2020 jyly merziminen buryn bostandyqqa shyqqany habarlandy.
13. Dáýren Abaev
Qyzmet etken ýaqyty: 2011-2016
Keıinnen Abaev Aqparat jáne Qoǵamdyq damý mınıstri qyzmetin atqaryp, aǵymdaǵy jyldyń shilde aıynan Qazaqstan Respýblıkasynyń Reseı Federaııasyndaǵy Tótenshe jáne Ókiletti Elshisi laýazymyna aýysty.
14. Aıdos Úkibaı
Qyzmet etken ýaqyty: 2016-2021 jyldary
Prezıdenttiń baspasóz hatshysy bolar aldynda «Habar» agenttigin basqarǵan. Ol Prezıdenttiń baspasóz hatshysy bolyp júrgende sol kezdegi prezıdent Nursultan Nazarbaev óz erkimen qyzmetinen ketti. Keıinnen Aıdos Úkibaı Elbasynyń baspasóz hatshysy – keńesshisi qyzmetine taǵaıyndaldy.
15. Berik Ýálı
Qyzmet etken ýaqyty: 2019-2022
Berik Ýálı Nursultan Nazarbaev qyzmetten ketkennen keıin kelgen Aqordanyń baspasóz hatshysy boldy. Bul qyzmetten ketkennen keıin «Habar» Agenttigi» AQ basqarma tóraǵasy qyzmetin atqardy.
16. Rýslan Jeldibaı
Qyzmet etken ýaqyttary: 2022-2023 jyldary
2023 jyldyń qyrkúıegine deıin hatshylyq qyzmet tizginin ustaǵan Rýslan Jeldibaı Prezıdenttiń ishki saıasat jáne kommýnıkaııalar jónindegi kómekshisi bolyp taǵaıyndaldy.
17. Nurmuhamed Baıǵaraev
Qyzmet etken ýaqyty: alty kún (07.09.2023j. jarlyqqa sáıkes)
Nurmuhamed Baıǵaraev 7 qyrkúıektegi Prezıdent jarlyǵyna sáıkes baspasóz hatshysy qyzmetine taǵaıyndalǵan bolatyn. Alaıda jańa laýazym ıesi alty kúnnen keıin densaýlyǵyna baılanysty hatshylyq qyzmetten ketetinin málimdedi.Baıǵaraev Prezıdenttiń baspasóz hatshysy qyzmetin eń qysqa merzim atqarǵanymen este qaldy.
18. Berik Ýálı
Prezıdent ókimimen 2023 jyldyń 12 qyrkúıeginde baspasóz hatshysy qyzmetine qaıta taǵaıyndaldy.
Berik Ýálı eki ret baspasóz hatshysy bolyp taǵaıyndalǵanymen erekshelenedi. Ekinshi ret taǵaıyndalýynda Prezıdent keńesshisi degen ústeme qyzmeti bar.
Dına LITPIN,
«Adyrna» ulttyq portaly
