Qazaqstannyń eńbek sińirgen ártisi Tamara Qosýbaeva 95 jasynda qaıtys boldy, dep habarlaıdy “Adyrna” ulttyq portaly.
Sahnada Baıan sulý beınesin tamasha somdaı bilgen ony «naǵyz qazaq arýy» atady. Odan keıin aktrısa Abdýlla Qarsaqbaevtyń «Balalyq shaqqa saıahat» fılminiń basty keıipkeriniń anasy, qurbandyq shalǵan dana Áspetpen tanyldy. Keıinirek jasy ulǵaıǵan rólderdi somdaı otyryp, Tamara Ókimetqyzy óz kórermenderi úshin meıirimdi «halyq ájesine» aınala bildi.
“Kıno meniń ómirim, al akterlik óner - kásip emes, emi joq dert. Soǵan erip ketesiń. Qazirdiń ózinde men bizdiń kezimizde romantızmge, oqıǵalarǵa, tamasha kóńil-kúýge toly sahnany, rólderdi, gastrolderdi qatty saǵynamyn. Teatr sahnasynan zeınetkerlikke shyqqandaǵy sol bir ay sát esimde, biraq odan keıin túsirilimder, dýblıajdar, radıolar boldy. Súıikti isimmen aınalystym. Al endi meniń basty qýanyshym, meniń balalarym, nemerelerim, shóberelerim ómir súrýge yntalandyrady», degen edi bir sózinde.
“Adyrna” ulttyq portalynyń ujymy Tamara Qosýbaevanyń barlyq týǵan-týystary men jaqyndaryna qaıǵylaryna ortaqtasyp, kóńil aıtady.
