Almaty qalasynyŋ äkımı Darhan Satybaldy Bılım künı Alatau audanyndaǧy 2 myŋ oquşyǧa arnalǧan №230 «Keleşek mektebınıŋ» saltanatty aşyluyna qatysyp, ūstazdar men oquşylardy, ata-analardy jaŋa oqu jylynyŋ bastaluymen qūttyqtady.
Qala äkımı öz sözınde Memleket basşysy Qasym-Jomart Toqaevtyŋ juyrda ötken ūstazdardyŋ Tamyz konferensiiasynda Ädılettı, Quatty, Qauıpsız ärı Taza Qazaqstannyŋ tıregı bolatyn jauapty ärı adal azamattardy tärbieleu barşanyŋ ortaq mındetı ekenın atap ötkenıne toqtaldy.
«Memleket basşysynyŋ tapsyrmasyna säikes elımızde «Keleşek mektepterı» ūlttyq jobasy aiasynda 460 myŋ oquşyǧa arnalǧan 217 zamanaui mektep salyndy. Almaty şahary – osy ülken özgerısterdıŋ aldyŋǧy qatarynda tūr», - dedı qala basşysy.
Būǧan deiın qalada jalpy syiymdylyǧy 24 300 oryndyq 14 «Keleşek mektebı» qoldanysqa berılse, däl bügın 10 500 oquşyǧa arnalǧan 7 «Keleşek mektebı» jäne «Zerdelı» şaǧynaudanyndaǧy 550 oryndyq jalpy bılım beretın mektep esıgın aiqara aşty.
Sonymen qatar qaita jaŋǧyrtudan ötken №160 mektep, būzylyp qaita qūrylǧan 340 oryndyq №15 internat, sondai-aq qosymşa qūrylys jürgızılgen №112 jäne №174 mektepter qaita qoldanysqa berıldı. Atalǧan nysandardyŋ paidalanuǧa berıluı nätijesınde 1 015 qosymşa oquşy orny aşylyp, qala boiynşa jaŋadan engızılgen oquşy oryndarynyŋ jalpy sany 12 065-ke jettı.
Alatau audanynda 3 jaŋa nysan aşyldy. Sonyŋ bırı – 2 myŋ oquşyǧa arnalǧan №230 «Keleşek mektebı».
Jaŋa oqu jylynda mektep avtobustary 11 496 balany tasymaldaidy. Bügınde megapolistıŋ bılım beru jüiesınde 42 000-nan astam pedagog eŋbek etedı. Al 32 000-nan astam bala bügın 1-synypqa qadam basyp, mektep tabaldyryǧyn alǧaş attady.
Darhan Satybaldy ūstazdardyŋ jas ūrpaq tärbiesındegı airyqşa ornyna toqtalyp, olardyŋ adal qyzmetıne rizaşylyǧyn bıldırdı. Sonymen qatar oquşylardy bılımge ūmtyluǧa, ızdenuge jäne jaŋa ideialar bastauǧa şaqyryp, ata-analarǧa mektep pen otbasy arasyndaǧy özara senım men bırlıktıŋ maŋyzyn atap öttı.
