Almaty oblysynda telefon almaqshy bolyp ájethanaǵa birinen-soń biri túsken eki jigit qaıtys boldy. Bul týraly búgin Tótenshe jaǵdaılar mınıstrligi málimdedi, dep habarlaıdy “Adyrna” ulttyq portaly.
Málimetke sáıkes, qaıtys bolǵan azamattardyń biri 1995 jyly, ekinshisi 2000 jyly týǵan. Aýyl turǵyndarynyń aıtýynsha, aǵasy ájethanaǵa telefonyn túsirip alyp, ony almaqshy bolǵanda ýlanyp qalǵan. Ekinshi jigit aǵasyn qutqarý úshin túsken.
«Respýblıkalyq jedel-qutqarý» jasaǵy mekemesiniń qutqarýshylary máıitterdi alyp shyǵyp, polıııaǵa tapsyrdy. Qutqarýshylar turǵyndarǵa saq bolý kerektigin eskertedi. Ashyq dárethanalarǵa nemese shuńqyrlarǵa baǵaly zat qulatyp alsańyz, túspeńiz! Ýly gazdardan ýlaný jáne tunshyǵý qaýpi bar», - deıdi TJM ókilderi.
