Qyrǧyzstan prezidentı Sadyr Japarov Jalal-Abad oblysynyŋ Sozaq audanynda bolǧan jük kölıgı men oquşylar arasyndaǧy apatqa qatysty män-jaidy zertteu üşın arnaiy komissiia qūrudy tapsyrdy, dep habarlaidy "Adyrna" ūlttyq portaly Qyrǧyzstan memleketı basşysynyŋ baspasöz qyzmetıne sıltep.
«Qyrǧyz Respublikasynyŋ Prezidentı Sadyr Japarov 2 mamyrda Jalal-Abad oblysy Sozaq audany Jerge-Tal auylynda «Porter» jük kölıgımen bolǧan oqiǧaǧa qatysty barlyq män-jaidy anyqtau üşın komissiia qūrudy tapsyrdy. Komissiia qūramyna tiıstı ministrlıkter men prezident äkımşılıgınıŋ ökılderı kırdı», - delıngen habarlamada.
Komissiia jūmysynyŋ qorytyndysy boiynşa «tiıstı şeşımder» qabyldanady, dep atap öttı baspasöz qyzmetı. «Memleket basşysynyŋ atynan zardap şekkenderge qarjylai kömek körsetıldı, balalardyŋ densaulyǧynyŋ jai-küiı turaly Prezident Sadyr Japarovqa ūdaiy mälımet berılıp otyrady», - dep jazdy.
Esterıŋızge sala keteiık, 2 mamyr künı Qyrǧyzstannyŋ Sozaq audanynda "balmūzdaq tielgen furgon" dep habarlanǧan jük kölıgı aşyq aspan astynda «Manas» eposyn oryndaǧan 29 oquşyny qaǧyp ketkenın habarlaǧan bolatynbyz. Oqiǧadan keiın eldıŋ Bılım ministrlıgı mūndai şaralardy ötkızuge tyiym saldy. Tötenşe jaǧdaidan keiın medisinalyq kömekke 35 bala men jasöspırım jügınıp, onyŋ 20-sy auruhanaǧa jatqyzyldy. Beseuı jansaqtau bölımınde ekenı aityldy.
Ūqsas jaŋalyqtar
