Toqaev eldegi jylý júıesiniń eskirgenin atap, úkimet pen ákimdikterdiń muqııat bolýyn eske saldy, dep jazady “Adyrna” portaly. Bul týraly ol “Egemen Qazaqstan” gazetinn bergen suhbatynda aıtty.
“Jylý elektr ortalyqtaryndaǵy jáne turǵyn úı-kommýnaldyq sharýashylyǵyndaǵy múshkil ahýal – kóp jylǵy salǵyrttyqtyń saldary. Osy saladaǵy túıtkilder bir kúnde aıaq astynan paıda bola qalǵan joq. Onyń bári jyldar boıy qordalanǵan máseleler ekeni barshaǵa málim. Óńirlerdegi jylý ortalyqtary men basqa da qural-jabdyqtardyń 80 paıyzy ábden tozǵan. Ótken jyldarda kommýnaldyq sharýashylyqqa salynǵan ınvestıııa bul salanyń qajetin óteýge jetkiliksiz boldy” dedi Toqaev jylý júıeleri jaıly.
Ol óz sózinde arandatýshylardyń da isin ataı ketti:
“Elektr energetıkasy nysandarynda bolyp jatatyn kishigirim oqıǵalardy dardaı qylyp kórsetip, jylýmen qamtamasyz etý isindegi bolmashy olqylyqty «qasiretke aınaldyrýǵa» umtylatyn áleýmettik jelidegi belsendiler otqa maı quıyp, eldi dúrbeleńge salyp júr”.
“Búkil Qazaqstandaǵy ınjenerlik ınfraqurylymdy tolyq jańǵyrtý – óte aýqymdy ári kúrdeli mindet. Bul másele birtindep sheshilip jatyr. Kóktem-jaz aılarynda Úkimet pen ákimdikter jylý maýsymyna daıyn bolý úshin biraz jumys jasady. Jaǵdaıy syn kótermeıtin birqatar nysandy jóndedi. Eń aldymen, kúrdeli apattardyń aldyn alyp, úılerge jylýdyń úzdiksiz berilýin qamtamasyz etý kerek. Biraq jańa qýat kózderin ashý, jelilerdi birtindep jańartý jáne kommýnaldyq salany túgel jańǵyrtý basty mindet ekenin umytpaǵan jón” dedi prezıdent.
Sonymen qatar, memleket basshysy qazirgi tańda eldegi jylý júıesiniń áreń jumys istep turǵanyn jasyrmady. Jaǵdaıdy baqylaýǵa alyp, qajetti sharalardy júzege asyrý qajettigin eske saldy.
“Qazir jylý jelileri áreń jumys istep tur. Úkimet pen ákimdikter batyl qımyldap, qajetti sharalardy dereý qolǵa alýy kerek. Onsyz bolmaıdy” dedi ol.
