Ulybrıtanııanyń syrtqy ister mınıstri Devıd Kemeron Ortalyq Azııa (OA) elderi úkimetteriniń ókilderimen kelissózder barysynda sóz qozǵaıtyn basym taqyryptardy atady. Dıplomat úsh salaǵa nazar aýdaratynyn aıtty, dep habarlaıdy "Adyrna" ulttyq portaly The Independent saıtyna silteme jasap.
Dıplomat úsh salaǵa nazar aýdarady: jahandyq tártip, ekonomıka jáne bilim. Birikken koroldiktiń burynǵy premer-mınıstri qazirgi álemde kóptegen memleketter jalǵyz eńserý qıynǵa soǵatyn máselelermen betpe-bet keletinin basa aıtty. Sondyqtan Kemeronnyń Ortalyq Azııaǵa sapary, eń aldymen, Ulybrıtanııanyń jańa deńgeıge kóterilýi tıis aımaqtaǵy elderimen yntymaqtastyǵyn nyǵaıtýǵa arnalǵan.
Ulybrıtanııa syrtqy ister mınıstrliginiń basshysy eń aldymen jahandyq tártip taqyrybyn kóterýdi kózdep otyr. Onyń aıtýynsha, egemendik pen aýmaqtyq tutastyq syndy qaǵıdattarǵa qaýip tóndirmeıtindeı tyǵyz áriptestik ornatqan jón.
Kemeron basqaratyn departamenttiń baspasóz habarlamasynda aıtylǵandaı, London osy maqsattarǵa 50 mıllıon fýnt sterlıng bóledi. Saıasatker sonymen qatar sybaılas jemqorlyqpen kúresý qajettigin atap ótti.
Qaýipsizdik máselelerine bólek nazar aýdarý kerek. Kemeronnyń aıtýynsha, bul lańkestik toptarǵa, atap aıtqanda, jaqynda Reseıdegi lańkestik áreketin Ulybrıtanııa qatań aıyptaǵan DAISh-Horasan tobyna tıimdi qarsy turýǵa múmkindik beredi.
Sapar barysynda taraptar ekonomıkalyq baılanystardy damytý máselelerin egjeı-tegjeıli talqylaıdy. Kemeron shaǵyn jáne orta bıznes úshin Ortalyq Azııadaǵy alǵashqy tikeleı ınvestıııa qoryn (venchýrlyq kapıtal) qurý týraly habarlady. Bul qurylym Ulybrıtanııa fırmalaryna aımaqtaǵy kompanııalardy qoldaýǵa kómektesý úshin jasalǵan.
Kemeron tabysty seriktestiktiń eki mysalyn keltirdi. Onyń aıtýynsha, Ýelstiń Concrete Canvas kompanııasy Bishkekte beton shyǵaratyn zaýyt ashýda. Ónimder jańa tehnologııa boıynsha óndiriletin bolady, bul olardyń qunyn tómendetedi jáne proeske jumsalatyn resýrstardy, mysaly, sýdy únemdeıdi. Sondaı-aq, «Astana» halyqaralyq qarjy ortalyǵynyń jumysy atap ótildi, ol jalpy sot júıesin tájirıbege engize otyryp, eki myńnan astam daýdy, sonyń ishinde ınvestıııa salasyndaǵy kelispeýshilikterdi sheshe aldy.
Sońynda mınıstr bilim salasyndaǵy yntymaqtastyqqa toqtaldy. Onyń aıtýynsha, Ulybrıtanııa Ortalyq Azııadaǵy Chevening stıpendııasyn qarjylandyrýdy eki esege arttyryp, eldegi úzdik JOO-da kóbirek adam oqı alatyn múmkindikke umtylyp jatqanyn atady.
