Qazaqstan Prezıdenti Qasym-Jomart Toqaev Ulybrıtanııanyń syrtqy saıasat vedomstvosynyń basshysy Devıd Kemeronǵa iltıpat bildire otyryp, onyń Qazaqstanǵa sapary ekijaqty qatynastardy damytýǵa tyń serpin berý turǵysynan máni zor ekenin aıtty. Bul týraly Aqorda málimdedi, dep habarlaıdy “Adyrna” ulttyq portaly.
“Bizdiń mańyzdy strategııalyq seriktesimiz – Ulybrıtanııamen aradaǵy ózara tıimdi yntymaqtastyqtyń qarqyndy damyp kele jatqanyna kóńilimiz tolady. Búgin Strategııalyq seriktestik jáne yntymaqtastyq týraly kelisimge qol qoıylǵanyn aıryqsha atap ótkim keledi. Bul jan-jaqty qujat bizdiń san qyrly baılanystarymyzdy keńeıtý úshin berik negiz qalaıtynyna senimdimin”, – dedi Prezıdent.
Memleket basshysy saýda-ekonomıkalyq jáne ınvestıııalyq yqpaldastyqty, sonyń ishinde energetıka, «jasyl» ekonomıka, qarjy, ınnovaııa salalaryndaǵy yntymaqtastyqty nyǵaıtýǵa mol áleýet bar ekenine nazar aýdardy.
Óz kezeginde Devıd Kemeron qonaqjaılyq tanytqany úshin Qasym-Jomart Toqaevqa alǵys aıtty. Sondaı-aq Ulybrıtanııa Premer-mınıstri retinde Qazaqstanǵa jasaǵan alǵashqy saparyn yqylaspen eske aldy.
“Men munda 11 jyl buryn eki el arasyndaǵy strategııalyq dıalogty bastaý úshin kelgen edim. Búgin Qazaqstannyń Syrtqy ister mınıstrimen Strategııalyq seriktestik jáne yntymaqtastyq týraly kelisimge qol qoıdyq. Energetıka, bilim, bıznes jáne mádenıet salalaryndaǵy yntymaqtastyqty nyǵaıtýǵa jáne halyqtar arasyndaǵy baılanystardy órkendetýge nıettimiz”, – dedi Ulybrıtanııa Syrtqy ister mınıstri.
Áńgimelesý barysynda mádenı-gýmanıtarlyq baılanystardy tereńdetý, ásirese, bilim berý salasy men jastardy qoldaý isine erekshe nazar aýdaryldy.
Sonymen qatar Qasym-Jomart Toqaev pen Devıd Kemeron óńirlik jáne halyqaralyq kún tártibindegi ózekti máseleler jóninde pikir almasty.
Aıta keteıik, Ulybrıtanııa Eýropalyq odaqtyń quramynda 11 jyl buryn boldy.
Ulybrıtanııa 1992 jyly Maastrıht kelisimine qol qoıyp, Eýropalyq odaqtyń quramyna enedi. Degenmen, saıası turǵyda múmkindiginshe oqshaýlanýǵa tyrysyp, vızalyq shekteýlerdi joıatyn Shengen kelisimine narazy boldy, ortaq valıýta Eýrony qabyldamady.
Al, ekonomıkalyq daǵdarys kezinde brıtandyqtar Eýroodaqtan shyǵý týraly búkilhalyqtyq referendým uıymdastyrdy. Nátıjesinde koroldik turǵyndarynyń 52 paıyzy Eýroodaqtan shyǵýdy uıǵardy.
