Ūlybritaniia Parsy şyǧanaǧy elderıne irandyq dron şabuyldaryna toitarys beruge kömektesu üşın ukrainalyq jäne britandyq sarapşylardy jıberedı. Būl turaly eldıŋ premer-ministrı Kir Starmer aitty, dep habarlaidy «Adyrna» tılşısı.
«Bız Ukraina sarapşylaryn öz mamandarymyzben bırge Parsy şyǧanaǧyndaǧy serıktesterımızge olardy şabuyldap jatqan irandyq ūşqyşsyz apparattardy atyp tüsıruge kömektesu üşın jıberemız», – dedı ükımet basşysy äleumettık jelıdegı paraqşasynda.
Sondai-aq ol Ūlybritaniianyŋ Kiprdegı äskeri bazalaryn AQŞ-qa paidalanuǧa rūqsat bergenın mälımdedı. Aituynşa, AQŞ äskeri nysandardy «naqty ärı şekteulı qorǧanys maqsaty» üşın paidalanuǧa rūqsat sūraǧan.
«Qauıptı toqtatudyŋ jalǧyz joly – qoimalardaǧy zymyrandardy nemese olardy ūşyruǧa arnalǧan qondyrǧylardy joiu. Bız būl ötınıştı maqūldadyq», – dedı Starmer.
Ol Ūlybritaniianyŋ İranǧa qarsy soqqylarǧa tıkelei qosylmaitynyn jetkızdı.
«Bız İranǧa jasalǧan bastapqy soqqylarǧa qatysqan joqpyz jäne qazır de şabuyl äreketterıne qosylmaimyz», – dep tüiındedı basşy.
