Almaty qalalyq Öŋırlık kommunikasiialar qyzmetınıŋ brifingınde «Sapaly önım» tūtynuşylardyŋ qūqyqtaryn qorǧau boiynşa äleumettık joba alyp megapoliste qalai jüzege asatyny tüsındırıldı.
QR sauda jäne integrasiia ministrlıgı Sauda jäne tūtynuşylardyŋ qūqyqtaryn qorǧau departamentı basşysynyŋ Almaty qalasy boiynşa orynbasary Nūrlan Abdievtıŋ aituynşa, joba tūtynuşylardy kontrafaktılıkten, qauıptı jäne sapasyz önımderden qorǧauy kerek.
2023 jyly Departamentpen E-Otinish, ESDGO, E-Tutynushy jäne telegram-bot elektrondy jüielerı arqyly tüsken 8 myŋnan astam azamattardyŋ ötınışterı qaraldy. Şaǧymdardyŋ köp bölıgı elektrondy kommersiia, bölşek sauda jäne sapasyz medisinalyq qyzmet körsetu salasy boiynşa kelıp tüstı. Ol ötken jyldyŋ soŋynda tūtynuşylardyŋ, ışkı naryqtyŋ jäne otandyq öndıruşılerdıŋ qūqyqtaryn qorǧauǧa baǧyttalǧan «Sapaly önım» äleumettık jobasyn ıske asyru jönındegı jol kartasy bekıtılgenın eske saldy.
«Jobanyŋ negızgı mındetı- tūtynuşylardyŋ qūqyqtaryn qorǧau jönındegı ükımettık emes sektordy, jergılıktı atqaruşy jäne ökıldı organdar ökılderın, sondai - aq käsıpkerlık qoǧamdastyqty otandyq öndıruşıler men tūtynuşylardy ışkı naryqtaǧy sapasyz şeteldık önımderden qorǧaudy qamtamasyz etu jönındegı jalpyūlttyq müddelerdı ıske asyruǧa tartu, sondai-aq aqylǧa qonymdy bäsekelestıktı damytu üşın jaǧdailar jasau bolyp tabylady», - dedı Nūrlan Abdiev.Qazırgı uaqytta «Sapaly önım» qoǧamdyq äleumettık jobasyn ıske asyru boiynşa josparly jūmys jürgızılude. Qoǧamdyq bırlestıkterdıŋ ökılderı «Sapaly önım» tūjyrymdamasy şeŋberınde sauda oryndarynda sapasyz tamaq önımderın anyqtau maqsatynda ünemı monitoring jürgızedı. Spiker, qoǧamdyq ūiymdar Ūlttyq saraptama ortalyǧynyŋ ökılderımen bırlesıp importtyq süt önımderın, et önımderın, şūjyq önımderın ırıktep, saraptamaǧa ūsynǧanyn atap öttı. Olardyŋ ışınde bırqatar önımderde tamaq önımderınıŋ qauıpsızdıgı turaly normativterdıŋ būzyluy anyqtaldy. Atap aitqanda, bız önımnıŋ sanitarlyq-epidemiologiialyq talaptarǧa, mälımdelgen sipattamalar men qūramyna, sondai-aq taŋbalau talaptaryna säikes kelmeuı (memlekettık tılde aqparattyŋ bolmauy, mai-qyşqyl qūramynyŋ säikes kelmeuı, bakteriialardyŋ tabyluy) siiaqty būzuşylyqtar turaly aityp otyrmyz.
«Sapaly önım» jobasyn ıske asyru tūtynuşylardyŋ qūqyqtaryn qorǧau jönındegı qoǧamdyq ūiymdardyŋ qoǧamdyq baqylau qūraly arqyly jüzege asyrylady. Nätijesınde atalǧan joba tanyla tüsıp, otandyq brend retınde tūtynyluy tiıs», - dep tüsındırdı Nūrlan Abdiev.Aita keteiık, jol kartasy arqyly mynadai jūmystardy jürgızu qarastyryluda: - sapaly otandyq önımnıŋ imidjın jäne tanyluyn qalyptastyru maqsatynda «Sapaly önım» halyqtyq sapa belgısın bekıtu. - būqaralyq aqparat qūraldarynda ūlttyq jobanyŋ nätijelerı men ıske asyrylu barysy turaly halyqty keŋınen habardar etu. Sondai-aq, QR sauda jäne integrasiia ministrlıgınıŋ Sauda jäne tūtynuşylardyŋ qūqyqtaryn qorǧau Departamentı Almaty qalasy boiynşa tūraqty negızde qoǧamdyq ūiymdarmen bırlesıp sapasyz tamaq önımderın anyqtau boiynşa jūmystar jürgızılıp jatqanyn aitty.
