الماتى قالالىق وڭىرلىك كوممۋنيكاتسيالار قىزمەتىنىڭ بريفينگىندە «ساپالى ءونىم» تۇتىنۋشىلاردىڭ قۇقىقتارىن قورعاۋ بويىنشا الەۋمەتتىك جوبا الىپ مەگاپوليستە قالاي جۇزەگە اساتىنى ءتۇسىندىرىلدى.
قر ساۋدا جانە ينتەگراتسيا مينيسترلىگى ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى باسشىسىنىڭ الماتى قالاسى بويىنشا ورىنباسارى نۇرلان ابديەۆتىڭ ايتۋىنشا، جوبا تۇتىنۋشىلاردى كونترافاكتىلىكتەن، قاۋىپتى جانە ساپاسىز ونىمدەردەن قورعاۋى كەرەك.
2023 جىلى دەپارتامەنتپەن E-Otinish, ESDGO, E-Tutynushy جانە telegram-بوت ەلەكتروندى جۇيەلەرى ارقىلى تۇسكەن 8 مىڭنان استام ازاماتتاردىڭ وتىنىشتەرى قارالدى. شاعىمداردىڭ كوپ بولىگى ەلەكتروندى كوممەرتسيا، بولشەك ساۋدا جانە ساپاسىز مەديتسينالىق قىزمەت كورسەتۋ سالاسى بويىنشا كەلىپ ءتۇستى. ول وتكەن جىلدىڭ سوڭىندا تۇتىنۋشىلاردىڭ، ىشكى نارىقتىڭ جانە وتاندىق وندىرۋشىلەردىڭ قۇقىقتارىن قورعاۋعا باعىتتالعان «ساپالى ءونىم» الەۋمەتتىك جوباسىن ىسكە اسىرۋ جونىندەگى جول كارتاسى بەكىتىلگەنىن ەسكە سالدى.
«جوبانىڭ نەگىزگى مىندەتى- تۇتىنۋشىلاردىڭ قۇقىقتارىن قورعاۋ جونىندەگى ۇكىمەتتىك ەمەس سەكتوردى، جەرگىلىكتى اتقارۋشى جانە وكىلدى ورگاندار وكىلدەرىن، سونداي - اق كاسىپكەرلىك قوعامداستىقتى وتاندىق وندىرۋشىلەر مەن تۇتىنۋشىلاردى ىشكى نارىقتاعى ساپاسىز شەتەلدىك ونىمدەردەن قورعاۋدى قامتاماسىز ەتۋ جونىندەگى جالپىۇلتتىق مۇددەلەردى ىسكە اسىرۋعا تارتۋ، سونداي-اق اقىلعا قونىمدى باسەكەلەستىكتى دامىتۋ ءۇشىن جاعدايلار جاساۋ بولىپ تابىلادى»، - دەدى نۇرلان ابديەۆ.
قازىرگى ۋاقىتتا «ساپالى ءونىم» قوعامدىق الەۋمەتتىك جوباسىن ىسكە اسىرۋ بويىنشا جوسپارلى جۇمىس جۇرگىزىلۋدە. قوعامدىق بىرلەستىكتەردىڭ وكىلدەرى «ساپالى ءونىم» تۇجىرىمداماسى شەڭبەرىندە ساۋدا ورىندارىندا ساپاسىز تاماق ونىمدەرىن انىقتاۋ ماقساتىندا ۇنەمى مونيتورينگ جۇرگىزەدى.
سپيكەر، قوعامدىق ۇيىمدار ۇلتتىق ساراپتاما ورتالىعىنىڭ وكىلدەرىمەن بىرلەسىپ يمپورتتىق ءسۇت ونىمدەرىن، ەت ونىمدەرىن، شۇجىق ونىمدەرىن ىرىكتەپ، ساراپتاماعا ۇسىنعانىن اتاپ ءوتتى. ولاردىڭ ىشىندە بىرقاتار ونىمدەردە تاماق ونىمدەرىنىڭ قاۋىپسىزدىگى تۋرالى نورماتيۆتەردىڭ بۇزىلۋى انىقتالدى. اتاپ ايتقاندا، ءبىز ءونىمنىڭ سانيتارلىق-ەپيدەميولوگيالىق تالاپتارعا، مالىمدەلگەن سيپاتتامالار مەن قۇرامىنا، سونداي-اق تاڭبالاۋ تالاپتارىنا سايكەس كەلمەۋى (مەملەكەتتىك تىلدە اقپاراتتىڭ بولماۋى، ماي-قىشقىل قۇرامىنىڭ سايكەس كەلمەۋى، باكتەريالاردىڭ تابىلۋى) سياقتى بۇزۋشىلىقتار تۋرالى ايتىپ وتىرمىز.
«ساپالى ءونىم» جوباسىن ىسكە اسىرۋ تۇتىنۋشىلاردىڭ قۇقىقتارىن قورعاۋ جونىندەگى قوعامدىق ۇيىمداردىڭ قوعامدىق باقىلاۋ قۇرالى ارقىلى جۇزەگە اسىرىلادى. ناتيجەسىندە اتالعان جوبا تانىلا ءتۇسىپ، وتاندىق برەند رەتىندە تۇتىنىلۋى ءتيىس»، - دەپ ءتۇسىندىردى نۇرلان ابديەۆ.
ايتا كەتەيىك، جول كارتاسى ارقىلى مىناداي جۇمىستاردى جۇرگىزۋ قاراستىرىلۋدا:
- ساپالى وتاندىق ءونىمنىڭ ءيميدجىن جانە تانىلۋىن قالىپتاستىرۋ ماقساتىندا «ساپالى ءونىم» حالىقتىق ساپا بەلگىسىن بەكىتۋ.
- بۇقارالىق اقپارات قۇرالدارىندا ۇلتتىق جوبانىڭ ناتيجەلەرى مەن ىسكە اسىرىلۋ بارىسى تۋرالى حالىقتى كەڭىنەن حاباردار ەتۋ.
سونداي-اق، قر ساۋدا جانە ينتەگراتسيا مينيسترلىگىنىڭ ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى الماتى قالاسى بويىنشا تۇراقتى نەگىزدە قوعامدىق ۇيىمدارمەن بىرلەسىپ ساپاسىز تاماق ونىمدەرىن انىقتاۋ بويىنشا جۇمىستار جۇرگىزىلىپ جاتقانىن ايتتى.
