Ótken eki jylda tutynýshylar tarapynan 4000-nan astam shaǵym túsken. Bul týraly Almaty qalasynyń Óńirlik kommýnıkaııalar qyzmetiniń alańynda «Ulttyq tutynýshylar lıgasy» Respýblıkalyq qoǵamdyq birlestiginiń prezıdenti Svetlana Romanovskaıa aıtty.
Tutynýshylardyń quqyǵyn qorǵaýǵa jaýapty tulǵa azaattar kóp jaǵdaıda saýda, densaýlyq saqtaý, tamaqtaný, turǵyn úı-kommýnaldyq sharýashylyq, baılanys salalaryndaǵy qyzmetterdiń sapasyna qanaǵattanbaıtynyn ashyp aıtty.
Ol azamattardyń shaǵymdanýynyń negizgi sebepteri retinde sapasyz taýarlardyń satylýy, taýarlardaǵy baǵa belgileriniń bolmaýy jáne durys emestigi, ınternet-dúkenderden aqshany ýaqtyly qaıtarylmaý syndy máseleler ekenin atap ótti.
Tutynýshylardyń shaǵymdary kelesi salalarǵa baǵyttalǵan:
- sapasyz taýarlardy / tehnıkany satý - 32,6%;
- belgilengen merzimde qyzmet kórsetý/jumystardy oryndaý shartyn oryndamaý-12,2%;
- abonenttik baılanys qyzmetterine-7,3%;
- bilim berý kýrstaryna-7,3%;
- áýe qyzmetterine-2%;
- tutynýshylyq daýlardy qaraýdyń sotqa deıingi tártibin buzý-4%;
- satýshynyń aıyrbastaý/qaıtarý mindetin oryndamaýy-15,5%;
- elektrondyq saýda salasyndaǵy buzýshylyqtar-14,7%.
Svetlana Romanovskaıa halyqtyń ómir súrý sapasyn jaqsartatyn qoldanystaǵy ulttyq standarttardy jetildirý boıynsha jumys jalǵasyn tabýy kerek degen paıymda.
«Tutynýshylar lıgasynyń negizgi maqsaty – sanaly tańdaý jasaıtyn adamnyń belsendi azamattyq ustanymyn qalyptastyrý. Bul rettegi sharalar júıeli túrde iske asady. Almatylyq turǵyndarda atalmysh jumys sheńberinde qamtylatyn bolady», - dep atap ótti S.Romanovskaıa.
