وتكەن ەكى جىلدا تۇتىنۋشىلار تاراپىنان 4000-نان استام شاعىم تۇسكەن. بۇل تۋرالى الماتى قالاسىنىڭ وڭىرلىك كوممۋنيكاتسيالار قىزمەتىنىڭ الاڭىندا «ۇلتتىق تۇتىنۋشىلار ليگاسى» رەسپۋبليكالىق قوعامدىق بىرلەستىگىنىڭ پرەزيدەنتى سۆەتلانا رومانوۆسكايا ايتتى.
تۇتىنۋشىلاردىڭ قۇقىعىن قورعاۋعا جاۋاپتى تۇلعا ازااتتار كوپ جاعدايدا ساۋدا، دەنساۋلىق ساقتاۋ، تاماقتانۋ، تۇرعىن ءۇي-كوممۋنالدىق شارۋاشىلىق، بايلانىس سالالارىنداعى قىزمەتتەردىڭ ساپاسىنا قاناعاتتانبايتىنىن اشىپ ايتتى.
ول ازاماتتاردىڭ شاعىمدانۋىنىڭ نەگىزگى سەبەپتەرى رەتىندە ساپاسىز تاۋارلاردىڭ ساتىلۋى، تاۋارلارداعى باعا بەلگىلەرىنىڭ بولماۋى جانە دۇرىس ەمەستىگى، ينتەرنەت-دۇكەندەردەن اقشانى ۋاقتىلى قايتارىلماۋ سىندى ماسەلەلەر ەكەنىن اتاپ ءوتتى.
تۇتىنۋشىلاردىڭ شاعىمدارى كەلەسى سالالارعا باعىتتالعان:
- ساپاسىز تاۋارلاردى / تەحنيكانى ساتۋ - 32,6%;
- بەلگىلەنگەن مەرزىمدە قىزمەت كورسەتۋ/جۇمىستاردى ورىنداۋ شارتىن ورىنداماۋ-12,2%;
- ابونەنتتىك بايلانىس قىزمەتتەرىنە-7,3%;
- ءبىلىم بەرۋ كۋرستارىنا-7,3%;
- اۋە قىزمەتتەرىنە-2%;
- تۇتىنۋشىلىق داۋلاردى قاراۋدىڭ سوتقا دەيىنگى ءتارتىبىن بۇزۋ-4%;
- ساتۋشىنىڭ ايىرباستاۋ/قايتارۋ مىندەتىن ورىنداماۋى-15,5%;
- ەلەكتروندىق ساۋدا سالاسىنداعى بۇزۋشىلىقتار-14,7%.
سۆەتلانا رومانوۆسكايا حالىقتىڭ ءومىر ءسۇرۋ ساپاسىن جاقسارتاتىن قولدانىستاعى ۇلتتىق ستاندارتتاردى جەتىلدىرۋ بويىنشا جۇمىس جالعاسىن تابۋى كەرەك دەگەن پايىمدا.
«تۇتىنۋشىلار ليگاسىنىڭ نەگىزگى ماقساتى – سانالى تاڭداۋ جاسايتىن ادامنىڭ بەلسەندى ازاماتتىق ۇستانىمىن قالىپتاستىرۋ. بۇل رەتتەگى شارالار جۇيەلى تۇردە ىسكە اسادى. الماتىلىق تۇرعىنداردا اتالمىش جۇمىس شەڭبەرىندە قامتىلاتىن بولادى»، - دەپ اتاپ ءوتتى س.رومانوۆسكايا.
