Su tasqynynan asa zardap şekken öŋırlerdegı oquşylar aǧymdaǧy emtihandar men synaqtardan bosatyldy. Atyrau men Aqtöbe oblysyndaǧy oquşylar üşın BJB men TJB alynyp tastaldy. Būl turaly respublikalyq aqparattyq ştabta ötken brifingte ministrlıktıŋ resmi ökılı Mereke Amangeldıqyzy mälımdedı, dep habarlaidy “Adyrna” ūlttyq portaly.
"Bılım aluşylardyŋ bılım jetıstıkterı monitoringınen Atyrau, Aqtöbe, Qostanai jäne Batys Qazaqstan oblystarynan 28 mektep bosatyldy. Alty öŋırde monitoring 15 säuırden 22 säuırge auystyryldy (Aqmola, Atyrau, Aqtöbe, SQO, Qostanai jäne BQO). Qalǧan öŋırlerde oqu ştattyq rejimde jürgızılude", - dedı spiker.
Ministrlık oqu prosesın ūiymdastyru boiynşa jūmystardy jalǧastyruda. Evakuasiialyq punktterdegı balalardy ornalastyru boiynşa jūmystar jürgızılude.
Mälımet boiynşa, bügıngı taŋda 2393 bala oqu prosesın ūiymdastyrumen bırge ornalastyryldy:
- bastauyş synyp oquşylary sauyqtyru ortalyqtaryna ata-analarymen bırge jıberıledı;
- orta buyndaǧy oquşylar respublikalyq maŋyzdaǧy innovasiialyq mektep liseilerdıŋ jataqhanalaryna ornalastyrylady ("Daryn", RFMM, BİL jäne NZM);
- joǧarǧy synyp oquşylary (9-11 synyptar) uaqytşa kolledjderge ornalastyrylady.
"Ministrlık balalarǧa qosymşa 3182 oryn äzırlep qoidy", - dedı vedomstvonyŋ resmi ökılı.
