Sý tasqynynan keıin bıznestiń shyǵynyn óteý úshin úkimet rezervinen 12 mıllıard teńge bólindi, dep habarlaıdy “Adyrna” ulttyq portaly premer-mınıstrdiń baspasóz qyzmetine silteme jasap.
“Qazaqstan Úkimeti alapat sý tasqynynan keıin shaǵyn jáne orta bıznestiń múlikke qatysty shyǵyndaryn óteý úshin óz rezervinen 12 mlrd teńgeden astam qarjy bólý týraly qaýly qabyldady” delingen habarlamada.
Belgili bolǵandaı komıssııalar kásipkerlerdiń ótinimderin qabyldaýda.
Memleket basshysy Qasym-Jomart Toqaevtyń tapsyrmasy boıynsha Úkimet sý tasqyny saldaryn joıý boıynsha keshendi jumys júrgizýde. Qabyldanyp jatqan sharalardyń ishinde azamattardy jańa turǵyn úımen qamtamasyz etý, birjolǵy qarjylyq kómek kórsetý, úılerdi jóndeý men qalpyna keltirý shyǵyndaryn óteý jáne t. b. bar.
Zardap shekken bızneske keltirilgen zalaldy óteý jumysy bastaldy. Qazirgi tańda óńirlik komıssııalar shaǵyn jáne orta kásipkerlik sýbektileriniń jalpy somasy 1,5 mlrd teńgege 178 ótinimin qarap, maquldady.
Jalpy alǵanda, ákimdikterdiń aldyn ala baǵalaýy boıynsha 746 ShOB sýbektisi zardap shekti. Olardyń qatarynda azyq-túlik dúkenderi, kafeler, TQKO, qonaq úıler jáne basqalary bar. Búginde baǵalaý jáne smetalyq jumystar júrgizilýde, olardyń qorytyndysy boıynsha ótinimder óńirlik komıssııalardyń qaraýyna engiziledi.
Osylaısha, Úkimet rezervinen 12 mlrd teńgeden astam qarajat ShOB múlik shyǵyndaryn óteý úshin Aqmola, Aqtóbe, Atyraý, Batys Qazaqstan, Qostanaı jáne Soltústik Qazaqstan oblystarynyń bıýdjetine aýdarylady.
Sý tasqyny saldaryn joıý jónindegi jumys Úkimet basshylyǵynyń turaqty baqylaýyna alynǵan. Esterińizge sala keteıik, buǵan deıin tótenshe rezervten Batys Qazaqstan jáne Qostanaı oblystarynda áýedegi elektr berý jelilerin qalpyna keltirýge 2,4 mlrd teńgeden astam qarjy bólingen bolatyn.
