سۋ تاسقىنىنان اسا زارداپ شەككەن وڭىرلەردەگى وقۋشىلار اعىمداعى ەمتيحاندار مەن سىناقتاردان بوساتىلدى. اتىراۋ مەن اقتوبە وبلىسىنداعى وقۋشىلار ءۇشىن بجب مەن تجب الىنىپ تاستالدى. بۇل تۋرالى رەسپۋبليكالىق اقپاراتتىق شتابتا وتكەن بريفينگتە مينيسترلىكتىڭ رەسمي وكىلى مەرەكە امانگەلدىقىزى مالىمدەدى، دەپ حابارلايدى “ادىرنا” ۇلتتىق پورتالى.
ء"بىلىم الۋشىلاردىڭ ءبىلىم جەتىستىكتەرى مونيتورينگىنەن اتىراۋ، اقتوبە، قوستاناي جانە باتىس قازاقستان وبلىستارىنان 28 مەكتەپ بوساتىلدى. التى وڭىردە مونيتورينگ 15 ساۋىردەن 22 ساۋىرگە اۋىستىرىلدى (اقمولا، اتىراۋ، اقتوبە، سقو، قوستاناي جانە بقو). قالعان وڭىرلەردە وقۋ شتاتتىق رەجيمدە جۇرگىزىلۋدە", - دەدى سپيكەر.
مينيسترلىك وقۋ پروتسەسىن ۇيىمداستىرۋ بويىنشا جۇمىستاردى جالعاستىرۋدا. ەۆاكۋاتسيالىق پۋنكتتەردەگى بالالاردى ورنالاستىرۋ بويىنشا جۇمىستار جۇرگىزىلۋدە.
مالىمەت بويىنشا، بۇگىنگى تاڭدا 2393 بالا وقۋ پروتسەسىن ۇيىمداستىرۋمەن بىرگە ورنالاستىرىلدى:
- باستاۋىش سىنىپ وقۋشىلارى ساۋىقتىرۋ ورتالىقتارىنا اتا-انالارىمەن بىرگە جىبەرىلەدى;
- ورتا بۋىنداعى وقۋشىلار رەسپۋبليكالىق ماڭىزداعى يننوۆاتسيالىق مەكتەپ ليتسەيلەردىڭ جاتاقحانالارىنا ورنالاستىرىلادى ("دارىن", رفمم، بيل جانە نزم);
- جوعارعى سىنىپ وقۋشىلارى (9-11 سىنىپتار) ۋاقىتشا كوللەدجدەرگە ورنالاستىرىلادى.
"مينيسترلىك بالالارعا قوسىمشا 3182 ورىن ازىرلەپ قويدى", - دەدى ۆەدومستۆونىڭ رەسمي وكىلى.
