Almaty oblysynyŋ Qonaev qalasynda oquşylar talyp qalǧanǧa keŋırdekten qysyp oinaǧannyŋ saldarynan jasöspırım tört tısınen aiyrylǧan, dep habarlaidy “Adyrna” ūlttyq portaly.
Astana TV arnasynyŋ habarlauynşa, Qonaev qalasynyŋ tūrǧyny balasynyŋ mektep qabyrǧasynda özge oquşylarmen qauıptı oiyn oinap, sonyŋ saldarynan zardap şekkenın jetkızdı. Oquşylar bırın-bırı tūnşyqtyryp oinap, esın joǧaltqan ūly tabaldyryqqa qūlap, 4 tısı tüsıp qalǧan. Anasynyŋ aituynşa, bala ne üşın qūlaǧanyn jasyryp, oiyn turaly söz qatpady. Alaida ana ne bolǧanyn keiın tüsıngen.
Oiyn erejesı boiynşa bıreu ekınşı adamdy qabyrǧaǧa tırep, keudesınen basyp, moinyndaǧy tamyryn qysady. Ol esın joǧaltyp, talyp qūlaidy da, 10-15 sekundtan keiın qaita esın jiiady. Mektep oquşylary mūny qyzyq körıp, jiı jasap köredı.
“Maǧan da ıstedı. Men bır-ekı şapalaqtan keiın esımdı jidym. Bıraq arasynda oianbai qalatyndar da boldy. Tıptı 103 şaqyryp, äreŋ aman alyp qalǧan oqiǧalar oryn aldy. Eiforiia bolyp, közıŋ qarauytady, esıŋ joǧalady”, – dedı Almaty tūrǧyny.
Psiholog Marjan Elıqūlova mūndai oiyndardy qoldamaidy. Onyŋ aituynşa, būl aǧzaǧa da, adamnyŋ psihologiiasyna da kerı äser etedı.
“Eseŋgıregen sätı balaǧa qyzyq bolyp körınuı mümkın. Eiforiiaǧa tüsedı. Bıraq eiforiiaǧa elıkteuşı, tym belsendı balalar tüsuge beiım. Al ündemei otyratyn, psihologiialyq qysym körsetudı özıne mūrsat beretın oquşylar oianbai qalyp, tübı jaman närsege äkep soqtyruy mümkın”, – dedı psiholog-maman.
Qoǧam qairatkerlerı de balalar arasynda qatıgez oiyndardyŋ beleŋ alyp bara jatqanyna alaŋdauly. 50 jyl ūstaz bolǧan Aiagül Mirazova tärbienıŋ mektepte de, üide de aqsap tūrǧanyn jetkızdı.
“Qazır balalardyŋ arasynda qatıgezdıktıŋ türı şaryqtap jatyr. Qazırgı taŋda şyn mänısınde ata-analarǧa, da ūstazdarǧa da oŋai emes. Jalǧyz oiynmen ǧana emes, jalpy tärbiemen küresuımız kerek. Zaŋ qarastyru kerek”, – dedı ol.
